ფინანსთა მინისტრის მოადგილის განცხადებით, სამაშველო ვერტმფრენები, რომლის შესყიდვაც ხდება, ხელმისაწვდომი მომდევნო წლიდან იქნება

ფინანსთა მინისტრის მოადგილის, გიორგი კაკაურიძის განცხადებით, სამაშველო ვერტმფრენები, რომლის შესყიდვაც ხდება, ხელმისაწვდომი მომდევნო წლიდან იქნება. როგორც მან თავდაცვისა და უშიშროების კომიტეტის ხდომაზე განმარტა, ბიუჯეტიდან 70 მილიონი ლარით იზრდება შინაგან საქმეთა სამინისტროს დაფინანსება, აქედან 50 მილიონი ლარი გამოყოფილია სამაშველო ვერტმფრენებისთვის, რომელსაც სასაზღვრო პოლიცია შეიძენს. მინისტრის მოადგილის თქმით, ვერტმფრენი სამაშველო აღჭურვილობით სრულად იქნება დაკომპლექტებული.

„ამ ვერტმფრენების მოწოდება მომდევნო წელს იქნება, ეს არის, როგორც სამაშველო ისე სახანძრო. ექნება სრული ეკიპირება - სამაშველო და სახანძრო ფუნქცია. საჭიროება გაცილებით მეტია, შეიძლება თვითმფრინავებიც გვჭირდებოდეს და დამატებით სახანძრო მანქანებიც და არამხოლოდ სახანძრო, არამედ ძალიან ბევრი მიმართულებით ბევრი საჭიროებაა, თუმცა უნდა გვესმოდეს, რა შესაძლებლობა გვაქვს“, - განაცხადა გიორგი კაკაურიძემ.

მისი განმარტებით, მაქსიმალურად ცდილობენ რესურსები ისე გადაანაწილონ, რა შესაძლებლობაც არის.

„პრიორიტეტული მიმართულებები, მათ შორის თავდაცვასა და შინაგან საქმეთა სამინისტროებზე, ვთანხმდებით, რომ ძალიან ბევრია და ეტაპობრივად ვცდილობთ, ამ საჭიროებას შესაბამისი დაფინანსებაც ჰქონდეს“, - განაცხადა კაკაურიძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია