არსებული ინფორმაციით, ქუთაისში, გამარჯვების მოედანზე მდებარე "საქართველოს ბანკში" შეჭრილმა თავდამსხმელმა გაისროლა.

ამის შესახებ ინფორმაციას თვითმხილველები ავრცელებენ.

მათი ცნობით, გამაფრთხილებელი გასროლა ბანკში შეჭრიდან მალევე განხორციელდა. გასროლის შედეგად არავინ დაშავებულა.

ამასთან, როგორც ადგილზე მყოფი ერთ-ერთი პირი ამბობს, თავდამსხმელს "ჯინსის ქურთუკი აცვია".

გარდა ამისა, მათივე ინფორმაციით, „საქართველოს ბანკის“ ფილიალში შეჭრილი შეიარაღებული პირი 2 მილიონ ლარს ითხოვს.

ცნობისთვის, ქუთაისში, რუსთაველის ქუჩაზე სპეცოპერაციაა. არსებული ინფორმაციით, „საქართველოს ბანკში“ შეიარაღებული მძარცველი შეიჭრა. დაუზუსტებელი ინფორმაციით, ბანკში ათამდე ადამიანი იმყოფება. პერიმეტრი სამართალდამცველებს აქვთ გადაკეტილი.