ქუთაისში, „საქართველოს ბანკის“ ფილიალში შეჭრილმა პირმა ახალი მოთხოვნები წამოაყენა - ის რუსულ დროშას, ანკესს, ვერტმფრენს და 2 მილიონ დოლარს მოითხოვს
არსებული ინფორმაციით, ქუთაისში, „საქართველოს ბანკის“ ფილიალში შეჭრილმა პირმა ახალი მოთხოვნები წამოაყენა. ის რუსულ დროშას, ანკესს, ვერტმფრენს და 2 მილიონ დოლარს მოითხოვს.
არსებული ინფორმაციით, შეჭრილი პირი მძევლებს ეუბნება, რომ სხეულზე ასაფეთქებელი მოწყობილობა აქვს დამაგრებული და სახიფათო იქნება იმ შემთხვევაში, თუ მისი მოთხოვნები არ დაკმაყოფილდება.
ის ბანკში აყვანილ მძევლებს მიმათავს, რომ ჩართონ „ფეისბუქ ლაივი“, რადგან მისი მიზანია, რაც შეიძლება ბევრმა ადამიანმა გაიგოს მისი მოთხოვნების შესახებ.
გავრცელებულ ვიდეოკადრებში ჩანს, რომ სამხედრო ფორმაში ჩაცმული პირი ბანკში აყვანილ მძევლებს საკუთარ მოთხოვნებს აცნობს, ისინი კი მის მოთხოვნებს ტელეფონით იწერენ. დაუზუსტებელი ინფორმაციით, თავდამსხმელმა ორი მძევალი გაათავისუფლა.
შეირაღებული პირი ბანკში დაახლოებით 2 საათის წინ შეიჭრა.
ბანკთან მობილიზებული არიან შინაგან საქმეთა სამინისტროს შესაბამისი დანაყოფების თანამშრომლები.
