აზერბაიჯანმა სომხეთს ბოლოდროინდელი კონფლიქტის შედეგად დაღუპული 95 სომეხი სამხედროს ცხედარი გადასცა, - ინფორმაციას სომხური მედია ქვეყნის თავდაცვის სამინისტროზე დაყრდნობით ავრცელებს.

უწყების პრესსპიკერის, არამ ტოროსიანის განცხადებით, აზერბაიჯანის ბოლო თავდასხმის შედეგად, საერთო ჯამში, 207 სამხედრო დაიღუპა ან დაიკარგა.

შეგახსენებთ, 17 სექტემბერს აზერბაიჯანმა სომხეთს 32 სამხედრო მოსამსახურის ცხედარი გადასცა.