Politico - ევროკომისია რამდენიმე დღეში დაიწყებს კონსულტაციებს ევროკავშირის ქვეყნების წარმომადგენლებთან რუსეთის წინააღმდეგ ახალი სანქციების პაკეტზე
ევროკომისია რამდენიმე დღეში დაიწყებს კონსულტაციებს ევროკავშირის ქვეყნების წარმომადგენლებთან ახალი სანქციების პაკეტზე. ამის შესახებ Politico იუწყება.
„დიპლომატები ელიან რუსული ნავთობის ფასების შეზღუდვის გეგმის განხილვას, რომელიც ახლა დიდ შვიდეულში განიხილება“, - ნათქვამია ანგარიშში.
როგორც მედია წერს, ამჟამად აშშ ახორციელებს ზეწოლას ევროკავშირზე, რათა მიაღწიოს პროგრესს ნავთობის ფასების შეზღუდვაში, სანამ დეკემბერში ევროკავშირის მიერ რუსული ნავთობის იმპორტის აკრძალვა ამოქმედდება.
ევროკავშირის დიპლომატების თქმით, კონსულტაციები რამდენიმე დღეში დაიწყება. პოტენციურ შეზღუდვებს შორის, რომლებიც შეიძლება განიხილებოდეს, არის პირთა დამატებითი სიები, რუსული ბრილიანტებისა და სხვა ფუფუნების საგნების იმპორტის აკრძალვა.
„ევროკომისია ახლა ახალ ღონისძიებებს ამზადებს და პარასკევს ევროკავშირის ელჩებთან ერთად წინადადებებს განიხილავს“, - განაცხადეს დიპლომატებმა.
შეგახსენებთ, რომ ევროკავშირის ქვეყნები რუსული გადახდის სისტემის წინააღმდეგ სანქციებს განიხილავენ.
ევროკავშირმა ასევე გაახანგრძლივა ინდივიდუალური ანტირუსული სანქციები კიდევ ექვსი თვის ვადით.
