ჯანსაღი ცხოვრების პოპულარიზაციის მიზნით, დღეს გარდაბნის მუნიციპალიტეტის სოფელ ჯანდარაში, ხელოვნურსაფარიანი სპორტული მოედანი გაიხსნა. ამის შესახებ ინფორმაციას გარდაბნის მუნიციპალიტეტის მერია ავრცელებს.

მათი ინფორმაციით, თანამედროვე სტანდარტებით მოწყობილი მოედანი განკუთვნილია, როგორც ფეხბურთის, ასევე კალათბურთის სათამაშოდ და აღჭურვილია შესაბამისი ინვენტარით.

„გახსნის ღონისძიებას, გარდაბნის მუნიციპალიტეტის მერი, დავით კარგარეთელი, მერის მოადგილე, ფუად მირზოევი, საკრებულოს თავმჯდომარის მოადგილეები - სამირ ხიალოვი, ვუგარ მამედოვი და გარდაბნის მუნიციპალიტეტის სპორტული ცენტრის ხელმძღვანელი - ლევან მენახშირიშვილი დაესწრნენ.

ადგილობრივ ახალგაზრდებს, სიმბოლურად, ფეხბურთისა და კალათბურთის ბურთები დაურიგდათ.

სპორტული მოედანი გარდაბნის მუნიციპალიტეტის ადგილობრივი ბიუჯეტის დაფინანსებით მოეწყო”, - ნათქვამია ინფორმაციაში.