კელი დეგნანი - აშშ კატეგორიულად გმობს ლუკაშენკოს აფხაზეთში „ვიზიტს“

მსურს გადმოგცეთ გზავნილი ვაშინგტონის მაღალჩინოსნებიდან, რომლებიც კატეგორიულად გმობენ ბატონი ლუკაშენკოს აფხაზეთში „ვიზიტს“, - ამის შესახებ საქართველოში აშშ-ის ელჩმა, კელი დეგნანმა განაცხადა.

მისი თქმით, ლუკაშენკოს „ვიზიტი“ განსაკუთრებით შეურაცხმყოფელი იყო იმის გამო, რომ ის აფხაზეთში, სოხუმის დაცემის 29-ე წლისთავის მეორე დღეს ჩავიდა.

„აშშ მტკიცედ უჭერს მხარს ქართველ ხალხს, რომლის პოლიტიკურმა ლიდერებმა მთელი პოლიტიკური სპექტრიდან ხმამაღლა ისაუბრეს ამ მიუღებელი „ვიზიტის“ შესახებ, რომელმაც დაარღვია საერთაშორისო კანონმდებლობა. განსაკუთრებით მტკივნეული და შეურაცხმყოფელია, რომ ეს მოხდა ერთი დღის შემდეგ, როდესაც ჩვენ აღვნიშნეთ სოხუმის დაცემის 29-ე წლისთავი, როდესაც მე და ბევრმა სხვამ გვირგვინით შევამკეთ აფხაზეთის ომში დაღუპულების მემორიალი. შეერთებული შტატები საქართველოს სუვერენიტეტისა და ტერიტორიული მთლიანობის მტკიცე მხარდამჭერია და გავაგრძელებთ მუშაობას ოკუპირებული ტერიტორიების მშვიდობიანად აღდგენისთვის და რეგიონში მშვიდობისთვის“, - აღნიშნა ელჩმა.

შეგახსენებთ, რომ ალექსანდრე ლუკაშენკო აფხაზეთში 28 სექტემბერს ჩავიდა. მანამდე ის სოჭში რუსეთის პრეზიდენტ ვლადიმირ პუტინთან იმყოფებოდა შეხვედრაზე.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა