სენაკის 64-ე საოლქო კომისიის თავმჯდომარის განცხადებით,საარჩევნო უბნებზე ხმის მიცემის პროცესი დარღვევების გარეშე მიმდინარეობს
სენაკის 64-ე საოლქო საარჩევნო კომისიის თავმჯდომარის ცოტნე შუშანიას განცხადებით, უბნებზე ხმის მიცემა დროულად, დარღვევების გარეშე დაიწყო. რეგისტრირებულია ორი საარჩევნო სუბიექტი - "ქართლი ოცნების" წარმომადგენელი ზაზა ყურაშვილი და პოლიტიკური მოძრაობა „მამუკა ტუსკაძე - სოციალური სამართლიანობისთვის” თავმჯდომარე მამუკა ტუსკაძე.
სამ საარჩევნო უბანზე, სადაც კენჭისყრა მიმდინარეობს, 2 307 ამომრჩეველია რეგისტრირებული. საარჩევნო უბნებზე ზოგიერთი საარჩევნო პროცედურა საპილოტე რეჟიმში ელექტრონული ტექნოლოგიების გამოყენებით განხორციელდება.
შეგახსენებთ, რომ არჩევნებში პროტესტის ნიშნად მონაწილეობას არ იღებენ ოპოზიციური პარტიების წარმომადგენლები. ჭალადიდის ოლქში არჩევნების ჩატარება მას შემდეგ გახდა აუცილებელი, რაც "ერთიანი „ნაციონალური მოძრაობის" წევრმა მანდატი დატოვა.
