კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ

პარტია „პროგრესი და თავისუფლებას“ ლიდერი კახა ოქრიაშვილი განცხადებას ავრცელებს, რომელსაც „ინტერპრესნიუსი" უცვლელად გთავაზობთ:

„პარლამენტში შემოვიდა 2023 წლის ბიუჯეტის შესახებ კანონპროექტი. მთავარი მაჩვენებელი - ეკონომიკის დაგეგმილი ზრდა

5 %-ია. სად არის ეკონომიკის არნახული, 15 %-იანი ზრდა?! წელს, ცხრა თვის მაჩვენებლით, წლიური ინფლაცია, ანუ ფასების ზრდა ლარში,

10 %-ს აღემატება - ესე იგი უკან მივდივართ. მარტივი მათემატიკა გვიჩვენებს, რომ ჩვენი ეკონომიკა მინუსშია. აქვე, „ოცნება“ აანონსებს, რომ გაზრდიან ხელფასებს და პენსიებს - რის ხარჯზე ?! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ.

მანამ, სანამ ბატონ ივანიშვილს ექნება მიტაცებული ეს ქვეყანა, უსამართლო სახელმწიფო სტრუქტურებით, სუს-ით, შსს-თი, მართლმსაჯულების სისტემით, რომლებიც მის პირად დავალებებს ასრულებენ, ანადგურებენ ოპონენტებს, ცდილობენ, დაიმორჩილონ ან გაანადგურონ წარმატებული ხალხი, მათ შორის ოპოზიციონერი პოლიტიკოსები, ბიზნესმენები, თუ ნებისმიერი ნიშნით გამორჩეული ადამიანები, ამ ქვეყანას მომავალი არ აქვს!

ქვეყნის მომავალი საფრთხეშია - ივანიშვილი, თავისი ბანდით, ხელისუფლებიდან უნდა გავისტუმროთ. ეს ქართველი ხალხის ხელშია. ჩვენ გვჭირდება 15 %-იანი ეკონომიკური ზრდა და ამას შევძლებთ თავისუფალი, კომპეტენტური მთავრობის პირობებში!“ - აცხადებს კახა ოქრიაშვილი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს