"ბათუმი ავარიული სახლების გარეშე“ - პროგრამასთან დაკავშირებით დეველოპერებთან კიდევ ერთი შეხვედრა გაიმართა

"ბათუმი ავარიული სახლების გარეშე“ - პროგრამასთან დაკავშირებით დეველოპერებთან კიდევ ერთი შეხვედრა გაიმართა.

ბათუმის მერმა, არჩილ ჩიქოვანმა და ა.რ. მთავრობის თავმჯდომარემ, თორნიკე რიჟვაძემ პროგრამის განხორციელების ხელშეწყობის მიზნით მიღებული საკანონმდებლო ცვლილებებისა და პროგრამის მიმდინარეობის შესახებ ინფორმაცია კერძო სექტორის წარმომადგენლებს მიაწოდეს. ამის შესახებ ინფორმაციას ბათუმის მერია ავრცელებს.

არჩილ ჩიქოვანის განცხადებით, მნიშვნელოვანია, ყველა დაინტერესებულ მხარეს მიეწოდოს ინფორმაცია არსებული პროგრამის მიმდინარეობასთან დაკავშირებით.

მისივე თქმით, დეველოპერების ჩართულობით მიმდინარეობს თავდებობის ნაწილი, რომელიც აჭარის მთავრობას აქვს აღებული და რიგ შეზღუდვებთან მიმართებაში არსებული საგამონაკლისო წესი. მისივე ინფორმაციით, ეს ეხება დაახლოებით 3 000 მოქალაქეს და გულისხმობს ბათუმელებისათვის თანამედროვე, უსაფრთხო საცხოვრებელი პირობების შექმნას.

როგორც ბათუმის მერმა შეხვედრისას აღნიშნა, სამშენებლო სამუშაოები 5 მისამართზე მიმდინარეობს, ამავდროულად, ხდება კონკრეტული მისამართების პროექტირება.

მისივე თქმით, დღეის მდგომარეობით, ქალაქ ბათუმის მერიაში შემოსულია 363 განაცხადი, რომელთაგანაც 139-ზე საექსპერტო დასკვნა უკვე მზად არის. ამ ეტაპზე, 63 მისამართზე მიმდინარეობს საექსპერტო კვლევების დასკვნითი ეტაპი. ავარიული კორპუსის გამაგრებითი სამუშაოები ხორციელდება 7 მისამართზე. 4 მისამართზე კი, მიმდინარეობს საპროექტო-სახარჯთაღრიცხვო დოკუმენტაციის მომზადება.

,,პროგრამის შეუფერხებლად განხორციელების მიზნით, ბათუმის მერიისთვის საკანონმდებლო ცვლილებების საფუძველზე დაწესებულია შეღავათები განაშენიანების კოეფიციენტების გაზრდის კუთხით. ეს არის გარკვეული შესაძლებლობები ავარიულ მისამართებზე არსებული კოეფიციენტების შეზღუდვებთან დაკავშირებით. ასევე, შეღავათების დაწესება კოოპერატივებში არსებული სახელმწიფო ვალდებულებაში გაცემული მიწის ნაკვეთების შეზღუდვის ნაწილში. შეღავათები შესაძლებელია გავრცელდეს განსაკუთრებული სახელმწიფოებრივი ან მუნიციპალური მნიშვნელობის ობიექტებზე და კანონით დადგენილი წესით შეჩერებულ მშენებლობებზე, რომლებსაც განსაზღვრავს საქართველოს კანონმდებლობა“ - განაცხადა არჩილ ჩიქოვანმა.

ავარიული სახლების ჩანაცვლების პროგრამა ბათუმში გასულ წელს ამოქმედდა, რომლისთვისაც, ოთხი წლის პერიოდში, 80 მილიონი ლარი იქნება გათვალისწინებული. მიმდინარე წლისთვის ბათუმის ბიუჯეტში პროგრამის განსახორციელებლად 20 მლნ ლარია გამოყოფილი. პროგრამის წარმატებით განხორციელების მიზნით, ყველა დეველოპერისა და მშენებელი კომპანიისთვის აჭარის ა.რ. მთავრობის მხრიდან შეთავაზებულია 150 მილიონი ლარის მოცულობის საბანკო გარანტია.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო