ზუგდიდში სამეგრელო-ზემო სვანეთის რეგიონული სამუშაო ჯგუფის შეხვედრას გერმანიის რეკონსტრუქციის საკრედიტო ბანკის (KfW) წარმომადგენლები დაესწრნენ

„მყარი ნარჩენების ინტეგრირებული მართვის პროგრამა II-ის“ (ISWM II) ფარგლებში სამეგრელო-ზემო სვანეთის რეგიონული სამუშაო ჯგუფის შეხვედრა გაიმართა.

რეგიონული განვითარებისა და ინფრასტრუქტურის სამინისტროს ინფორმაციით, შეხვედრაში შპს “საქართველოს მყარი ნარჩენების მართვის კომპანიის” დირექტორი, გიორგი შუხოშვილი, გერმანიის რეკონსტრუქციის საკრედიტო ბანკის (KfW), პროგრამის განმახორციელებელი საკონსულტაციო კომპანიებისა და სამეგრელო-ზემო სვანეთის მუნიციპალიტეტების წარმომადგენლები ესწრებოდნენ.

უწყების ცნობით, მხარეებმა განიხილეს პროგრამის ფარგლებში შემუშავებული მუნიციპალიტეტებში ნარჩენების შეგროვება-დასუფთავების ხარჯების გამოთვლის მეთოდოლოგია.

„მყარი ნარჩენების ინტეგრირებული მართვის პროგრამა II“ (ISWM II) ხორციელდება საქართველოსა და გერმანიის ფინანსური თანამშრომლობის ფარგლებში, გერმანიის რეკონსტრუქციის საკრედიტო ბანკის (KfW) ფინანსური მხარდაჭერით და სამეგრელო-ზემო სვანეთის რეგიონში მოიცავს ახალი რეგიონული არასახიფათო ნარჩენების განთავსების ობიექტისა და გადამტვირთავი სადგურების მოწყობასა და აღჭურვას. ასევე, არსებული ძველი ნაგავსაყრელების სტანდარტების შესაბამისად დახურვას და მუნიციპალიტეტების მომარაგებას ქუჩის დასუფთავებისა და ნარჩენების შესაგროვებელი სპეციალური ტექნიკით.

გერმანიის რეკონსტრუქციის საკრედიტო ბანკის წარმომადგენლები, საქართველოში ვიზიტის ფარგლებში, სამეგრელო-ზემო სვანეთის რეგიონში ასაშენებელი ახალი რეგიონული არასახიფათო ნარჩენების განთავსების, ევროპული სტანდარტების შესაბამისი ობიექტისა და გადამტვირთავი სადგურებისთვის განსაზღვრულ ტერიტორიებს დაათვალიერებენ. ასევე, დაგეგმილია პროექტის ფარგლებში ამ ეტაპისთვის შესყიდული ნარჩენების შესაგროვებელი სპეციალური ტექნიკის მუნიციპალიტეტებისთვის გადაცემა“,- ნათქვამია ინფორმაციაში.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო