გია ხარჩილავა - არც ერთი მაღალი თანამდებობის პირი ან კოლეგა არ ეხმაურება მანქანის დაწვის ფაქტს - დამატებითი ექსპერტიზის ჩატარება მიზანშეწონილად ჩავთვალეთ - გამოძიებისთვის თვალყურის მიდევნების თხოვნით საელჩოს მივმართავთ

წალენჯიხის მერი გია ხარჩილავა, კუთვნილი ავტომობილის დაწვის საქმეზე დამატებით ექსპერტიზის ჩატარებას მოითხოვს.

როგორც ხარჩილავამ "ინტერპრესნიუსს" განუცხადა, მომხდართან დაკავშირებით, მას ამ დრომდე არ შეხმიანებია არცერთი მაღალჩინოსანი მმართველი პარტიიდან.

გია ხარჩილავას ინფორმაციით, საქმის მსვლელობისთვის თვალყურის მიდევნებას ასევე ერთ-ერთი ქვეყნის საელჩოსაც სთხოვს.

"დამატებითი ექსპერტიზის ჩატარება მიზანშეწონილად ჩავთვალეთ. ხანძრის მსგავსი მასალების გამოკვლევა ერთ-ერთი რთული სფეროა, ამასთან, ხელისუფლების რეაგირება, როდესაც არც ერთი მაღალი თანამდებობის პირი ან კოლეგა ან გუბერნია არ ეხმაურება ამ ფაქტს, სულ თავისით, რომ დამწვარიყო ეს მანქანა, რასაც გამოვრიცხავ, შეხმიანებას წინ რა ედგა, ან ადამიანურ სოლიდარობას და კოლეგიალობას. საფრთხის წინ იდგა მთელი უბანი, რადგან ბენზინის ავზი სავსე იყო და საფრთხე ემუქრებოდა მოსახლეობასაც. შეფასებაზე არ მაქვს საუბარი, შეიძლება გამოძიებამდე შეფასებისგან თავი შეიკავოს ადამიანმა, მაგრამ როცა ვხედავ სრულ სიჩუმეს, ვფიქრობ, რომ პოლიტიკური ნაწილი გამოძიებაშიც გადაინაცვლებს და ამიტომ ჩავთვალე, რომ საჭიროა დამატებითი ექსპერტიზა.

გუშინ ჩვენ სამხარაულის ექსპერტიზას უკვე მივმართეთ და დღეს გამოძიებისთვის თვალყურის მიდევნების თხოვნით ერთ-ერთი ქვეყნის საელჩოს მივმართავთ. თანამდებობა ყველა წარმავლია, ყველა უნდა ფიქრობდეს, რომ ხელისუფლებები იცვლებიან და ადამიანური ურთიერთობისთვის სივრცეები უნდა დავტოვოთ. ადამიანურ მოკითხვაში და სოლიდარობაში პოლიტიკური კონიუნქტურა არ უნდა მუშაობდეს",- განაცხადა გია ხარჩილავამ.

შეგახსენებთ, რომ წალენჯიხის მერის გია ხარჩილავას მანქანის დაწვის ფაქტზე გამოძიება 187-ე მუხლით მიმდინარეობს, რაც სხვისი ნივთის დაზიანებას გულისხმობს.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა