შალვა პაპუაშვილი - გეოგრაფიულად შორეული კონფლიქტი აღარ არსებობს, კონფლიქტი გავლენას ახდენს ნებისმიერ ქვეყანაზე, აქედან გამომდინარეობს გაძლიერებული მხარდაჭერა უკრაინისა და საქართველოს მიმართ

„გეოგრაფიულად შორეული კონფლიქტი აღარ არსებობს, კონფლიქტი გავლენას ახდენს ნებისმიერ ქვეყანაზე, აქედან გამომდინარეობს გაძლიერებული მხარდაჭერა უკრაინისა და საქართველოს მიმართ",-ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა, რომელიც რუანდაში მიმდინარე საპარლამენტთაშორისო კავშირის 145-ე ასამბლეის ფარგლებში ორმხრივ შეხვედრებს მართავს.

პარლამენტის თავმჯდომარის განცხადებით, შეხვედრებზე საუბარი ძირითადად, საქართველოს ოკუპირებული ტერიტორიების არაღიარების პოლიტიკის მხარდაჭერას შეეხება.

„დღეს გვქონდა შეხვედრები რამდენიმე ქვეყნის პარლამენტის თავმჯდომარესთან. შევხვდით აფრიკული ქვეყნების წარმომადგენლებს და მათთან გვქონდა საუბარი, თუ რამდენად მნიშვნელოვანია არაღიარების პოლიტიკის მხარდაჭერა მომავალშიც და ვფიქრობ განსაკუთრებით დღეს, ყველასთვის ცხადია, რომ სამართალზე დაფუძნებული საერთაშორისო წესრიგი მნიშვნელოვანია ყველა ქვეყნისთვის და უფრო დიდია მნიშვნელობის აღქმა, რაც არაღიარების პოლიტიკის მხარდაჭერას აქვს. ჩვენ ეს მხარდაჭერა კიდევ ერთხელ ვიგრძენით ამ ქვეყნებისგან",- განაცხადა შალვა პაპუაშვილმა.

პარლამენტის თავმჯდომარე საპარლამენტო დელეგაციის წევრებთან ერთად, დღესვე, უკრაინის პარლამენტის თავმჯდომარის მოადგილეს შეხვდა და უკრაინის სუვერენიტეტისა და ტერიტორიული მთლიანობის მიმართ საქართველოს მხარდაჭერა დაუდასტურა.

„ჩვენ ასევე შეხვედრა გვქონდა უკრაინის პარლამენტის თავმჯდომარის მოადგილესთან და დელეგაციასთან. ვისაუბრეთ უკრაინაში დღეს არსებულ ვითარებასთან დაკავშირებით. კიდევ ერთხელ ვისაუბრეთ იმ მხარდაჭერაზე, რომელსაც ჩვენი ქვეყანა უცხადებს უკრაინას. გვქონდა ძალიან თბილი შეხვედრა იმასთან დაკავშირებით, თუ რამდენად მნიშვნელოვანია დღეს ის ბრძოლა, რომელშიც არის ჩართული უკრაინა და რამდენად მნიშნელოვანია, რომ მას გვერდში ედგას მთელი ცივილიზებული სამყარო. გუშინ, სამიტის ფარგლებში მიღებული იქნა რეზოლუცია, რომელიც შეეხებოდა რუსეთის აგრესიას უკრაინის წინააღმდეგ და იქაც ვხედავდით მცდელობებს რუსული დელეგაციის, რომ ჩაეშალათ ამ რეზოლუციის მიღება. ვნახეთ კიდეც რომ აქ გარკვეული მხარდამჭერების მოხსნაც შეძლეს კენჭისყრიდან, თუმცა, საბოლოო ჯამში, ვნახეთ რამხელა მხარდაჭერა ჰქონდა რეზოლუციას, რომელიც შეეხებოდა რუსეთის მხარდაჭერას უკრაინის წინააღმდეგ",-განაცხადა შალვა პაპუაშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება