ხათუნა სამნიძე - რუსეთის მოქალაქეებისთვის მხოლოდ სავიზო რეჟიმი გამოსავალი არ არის, მაგრამ სავიზო რეჟიმი კონკრეტული დათქმებით არის საკითხი, რომელიც უნდა განვიხილოთ და ოპტიმალური გადაწყვეტილება მივიღოთ

რუსეთის მოქალაქეებისთვის მხოლოდ სავიზო რეჟიმი გამოსავალი არ არის, მაგრამ სავიზო რეჟიმი კონკრეტული დათქმებით არის საკითხი, რომელიც უნდა განვიხილოთ და ოპტიმალური გადაწყვეტილება მივიღოთ, - ამის შესახებ "რესპუბლიკური პარტიის" ლიდერმა ხათუნა სამნიძემ განაცხადა.

ამასთან, როგორც მან ჟურნალისტებს განუცხადა, ის, რასაც აღნიშნულთან დაკავშირებით საქართველოს ხელისუფლება აკეთებს, არასწორია.

"ვეთანხმები იმას, რომ ეს არის საკითხი, რომელიც განხილვას ექვემდებარება. პრობლემისგან გაქცევა, რასაც "ქართული ოცნებისგან" ვხედავთ, სწორი არ არის. ოპოზიციას, საექსპერტო ჯგუფებს აქვთ შეთავაზებები, ეს საკითხი დგას დღის წესრიგში და პირველ რიგში, განხილვას უნდა დათანხმდეს "ქართული ოცნება", თუ როგორ მოვიქცეთ ამ ვითარებაში. მხოლოდ სავიზო რეჟიმი გამოსავალი არ არის, მაგრამ სავიზო რეჟიმი კონკრეტული დათქმებით ან მაგალითად, ბინადრობის უფლებასთან დაკავშირებული ცვლილებები, არის ის საკითხები, რომელიც უნდა განვიხილოთ და შექმნილი ვითარებიდან გამომდინარე ოპტიმალური გადაწყვეტილება მივიღოთ. საზღვრების ჩაკეტვას არ ვეთანხმები, არც პანიკის დათესვას, მაგრამ პრობლემისგან გაქცევა, რასაც "ქართული ოცნება" აკეთებს, ქვეყნისთვის კიდევ უფრო სახიფათოა", - განაცხადა სამნიძემ.

ცნობისთვის, საქართველოს პრეზიდენტი სალომე ზურაბიშვილი არ გამორიცხავს, რომ საქართველომ რუსეთთან სავიზო რეჟიმის პირობებს გადახედოს.

როგორც ზურაბიშვილმა მოლდოვაში თავის კოლეგასთან შეხვედრის შემდეგ ერთობლივ ბრიფინგზე განაცხადა, არსებული სავიზო რეჟიმი ლიბერალურია და შეიძლება ამ აგრესიის პირობებში ნაკლებად მისაღები იყოს.

ამასთან, ზურაბიშვილმა ხაზგასმით აღნიშნა, რომ რუსეთის მოქალაქეებს შემოსვლა საქართველოში, გამოწვევაა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი