ბათუმში, ძველი ბულვარის ტერიტორიაზე სამი ადამიანი დაჭრეს.

მიმდებარე ტერიტორიაზე მცხოვრებლები აცხადებენ, რომ მათ ცეცხლსასროლი იარაღიდან სროლის ხმა გაიგეს.

დაშავებულები სასწრაფო სამედიცინო დახმარების ბრიგადამ კლინიკა “მედცენტრში" გადაიყვანა. როგორც “ინტერპრესნიუსს” კლინიკაში განუცხადეს, მათგან ერთის მდგომარეობა მძიმეა, ხოლო ორის დამაკმაყოფილებელი. ექიმების თქმით, დაშავებულებს გამოკვლევები უტარდებათ.

დაშავებულები, ერთი ქალი და ორი ახალგაზრდა მამაკაცი, უცხო ქვეყნის მოქალაქეები არიან.

შემთხვევის ადგილზე სამართალდამცავები არიან მობილიზებული.

„ინტერპრესნიუსი“ მომხდარის დეტალებს არკვევს და დამატებით ინფორმაციას მიღებისთანავე შემოგთავაზებთ.