ლევან ქარუმიძე - უკრაინა მეორე ქვეყანა გახდა, რომელმაც საქართველოს მოქალაქეები დაასანქცირა, პირველი რუსეთია

„ქართული ოცნების“ დეპუტატი ლევან ქარუმიძე იმედგაცრუებულია იმით, რომ უკრაინის მიერ სანქცირებულ პირთა სიაში ბიძინა ივანიშვილის გარემოცვის 4 წევრი მოხვდა. როგორც ის აღნიშნავს, უკრაინა მეორე ქვეყანა გახდა, რომელმაც საქართველოს მოქალაქეები დაასანქცირა.

„ჩემთვის წარმოუდგენელი იმედგაცრუებაა, რომ უკრაინა მეორე ქვეყანა გახდა, რომელმაც საქართველოს მოქალაქეები დაასანქცირა, პირველი რუსეთია“, - წერს „ტვიტერზე“ ლევან ქარუმიძე.

ცნობისთვის, უკრაინის მიერ დასანქცირებულ პირთა სიაში ბიძინა ივანიშვილის გარემოცვის 4 წევრი მოხვდა. კერძოდ, უკრაინამ სანქციები დაუწესა ბიძინა ივანიშვილის ძმას, ალექსანდრე ივანიშვილს და მის მეუღლეს, ქეთევან ხარაიძეს, დეიდაშვილს უჩა მამაცაშვილს და მის შვილს - ტიტე მამაცაშვილს. შესაბამისი განკარგულება უკრაინის პრეზიდენტის ოფიციალურ საიტზე გამოქვეყნდა.

სანქცირებულთა სიაში ასევე მოხვდა რამდენიმე ქართველი ბიზნესმენი, კერძოდ: დავით იაკობაშვილი, ალექსანდრე და გიორგი ჯაფარიძეები.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა