ბათუმის შოთა რუსთაველის სახელმწიფო უნივერსიტეტის ეზოს სარეაბილიტაციო სამუშაოები დაიწყო.

ბათუმის სახელმწიფო უნივერსიტეტის ინფორმაციით, გათვალისწინებულია მიწისქვეშა სისტემების სრული რეაბილიტაცია, დეკორატიული სანათების და სარეკრიაციო სივრცეების მოწყობა.

მათივე ცნობით, სარემონტო სამუშაოები 2023 წელს დასრულდება. პროექტი აჭარის ა.რ. მთავრობის პროგრამული დაფინანსების ფარგლებში ხორციელდება. პროექტის ბიუჯეტი შეადგენს 518 000 ლარს. სამუშაოებს აწარმოებს შპს „ლეგიონი“.