ჩვენ გვინდა სამართლიანი გარემო, სადაც კანონი უზენაესია და არა კონკრეტული ფასიანი ლობისტების მიერ დაპროგრამებული, დაფინანსებული, თუ მიღებული გადაწყვეტილება - ეს არ არის ევროსაბჭო, ეს არ არის ევროპული სტანდარტი და ევროპული ღირებულება , - ამის შესახებ საპარლამენტო უმრავლესობის წევრმა ირაკლი ზარქუამ განაცხადა, რითაც გამოეხმაურა შალვა პაპუაშვილის წერილს.

მისი თქმით, პარლამენტის თავმჯდომარის წერილი ემსახურება მიზანს, რომ ევროსაბჭოს პრეზიდენტს ეცნობოს, რატომ არ დაუჭირა მხარი ქართულმა დელეგაციამ "სამარცხვინო რეზოლუციას, რომელიც იქნა მიღებული იმით, რომ მეოთხე პუნქტში შესწორება შევიდა, რომ სააკაშვილი პილიტპატიმარია".

"ევროინტეგრაციას მოსახლეობის 85 პროცენტზე მეტმა დაუჭირა, რაც მიუთითებს იმას, რომ ჩვენ გვინდა სამართლიანი გარემო, სადაც კანონი არის უზენაესი და არა კონკრეტული ფასიანი ლობისტების მიერ დაპროგრამებული, დაფინანსებული, თუ მიღებული გადაწყვეტილება, ეს არ არის ევროსაბჭო, ეს არ არის ევროპული სტანდარტი, ევროპული ღირებულება. ადამიანი, რომელსაც კონკრეტულ ბრალდებაზე აქვს მისჯილი, მათ შორის, ევროპული სასამართლოს გადაწყვეტილებით და უცებ რეზოლუციაში ხვდება ასეთი რამ, ეს არის მიუღებელი. რა თქმა უნდა, პუტინს ჰყავს პოლიტპატიმრები, მაგრამ სააკაშვილს არაფერი საქმე არ აქვს ამ თემასთან, ის სასჯელს იხდის კონკრეტულ დანაშაულებზე, მათ შორის, ზოგი გრძელება", - განაცხადა ზარქუამ.