მარნეულის მერი კენან ომაროვი 21-23 ოქტომბერს, კაჭრეთში საქართველოს ადგილობრივი თვითმმართველი ერთეულების ფინანსისტთა ასოციაციის XIII ყოველწლიურ ყრილობას, სახელწოდებით „ადგილობრივი თვითმმართველობის ეფექტურობა და გამოწვევები საქართველოში“ დაესწრო. ინფორმაციას მარნეულის მერია ასრულებს.
მათივე ცნობით, ღონისძიებას ორგანიზება გაუწია, საქართველოს ადგილობრივი თვითმმართველი ერთეულების ფინანსისტთა ასოციაციამ (სათეფა) და სოლიდარობის ფონდ PL-ის (SFPL) ფილიალმა საქართველოში.
„ყრილობის ფარგლებში, მარნეულის მუნიციპალიტეტის მერიის საფინანსო საბიუჯეტო სამსახურმა მიიღო ჯილდო, ქონების მართვის ელექტრონული პროგრამის „eproperty“ დანერგვისა და აქტიური გამოყენებისთვის.
ღონისძიებაში მონაწილეობა მიიღეს საქართველოს ფინანსთა სამინისტროს, ინფრასტრუქტურისა და რეგიონული განვითარების სამინისტროს წარმომადგენლებმა, ასევე აშშ-ის, კანადის და ისრაელის ფინანსისტთა ასოციაციების წარმომადგენლებმა“, - აღნიშნულია მარნეულის მერიის მიერ გავრცელებულ ინფორმაციაში.