გუგლის უახლესი სერიის სმარტები - Pixel 7 და 7 Pro - უკვე საქართველოშია. ნანატრი სმარტფონები მხოლოდ „ზუმერის“ ქსელში - მაღაზიებში და ვებგვერდზეა ხელმისაწვდომი. ახალი სმარტფონები გუგლმა, სულ ცოტა ხნის წინ, 6 ოქტომბერს, წარადგინა. მას შემდეგ, პიქსელის ქართველი გულშემატკივრებიც მოუთმენლად ელოდნენ საოცნებო სმარტებთან შეხვედრას.
ისტორიულად პიქსელი, დახვეწილი ხელოვნური ინტელექტითა და პროგრამულ სისტემაზე განსაკუთრებული აქცენტით, მობილურ ფოტოგრაფიაში ტოლს არ უდებს კონკურენტებს. მეშვიდე სერია კიდევ უფრო გაუმჯობესებული კამერებით, წარმადობითა და მეტი უსაფრთხოებით გამოირჩევა.
Pixel 7 აღჭურვილია 50 MP ძირითადი და 12 MP ულტრა ფართო კამერით; 10.8 მეგაპიქსელიანი წინა კამერითა და სახის განბლოკვის მხარდაჭერით.
Pixel 7 Pro კი, სამმაგი კამერით, ფლაგმანების მთავარ კონკურენტად მოიაზრება. განახლებული ულტრაფართო კამერისა და საუკეთესო ოპტიმიზაციის დამსახურებით, ეს სმარტფონი ფოტოების რეალურ მომენტში დამუშავებას, სიღრმეების ამოყვანას, ფერების კორექციას და საუკეთესო პორტრეტის რეჟიმს გვთავაზობს.
მოდელებში ჩაშენებული Google Tensor G2 (5 nm) ჩიპსეტი არქიტექტურულად, ხელოვნური ინტელექტის განსაკუთრებულად სწრაფ მუშაობაზეა გათვლილი.
„ზუმერი“, რომელიც ქართველ მომხმარებელს უახლეს ტექნიკას ყველაზე ხელმისაწვდომ ფასად სთავაზობს, ამჯერადაც არ ღალატობს ტრადიციას და „ზუმერის“ მაღაზიებსა და ვებგვერდზე Pixel 7-ის შეძენა 2499 ლარიდან, ხოლო Pixel 7 Pro-სი - 3299 ლარიდანაა შესაძლებელი.
(R)