მარიამ ქვრივიშვილი ფინეთის საგარეო საქმეთა მინისტრის მოადგილეს შეხვდა

საქართველოს ეკონომიკისა და მდგრადი განვითარების მინისტრის მოადგილე, მარიამ ქვრივიშვილი ფინეთის საგარეო საქმეთა მინისტრის მოადგილეს ნინა ვასკუნლატის შეხვდა.

მარიამ ქვრივიშვილის თქმით, შეხვედრაზე ტურიზმთან დაკავშირებული საკითხები განიხილეს.

„ბევრი მნიშვნელოვანი საკითხი განვიხილეთ და საერთო აქტივობები დავგეგმეთ ორ ქვეყანას შორის ეკონომიკური თანამშრომლობის ფარგლებში პრიორიტეტული მიმართულებების კიდევ უფრო განვითარებისთვის, მათ შორის არის ტურიზმი და პირდაპირი ავიარეისების სტიმულირება, - განაცხადა საქართველოს ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა შეხვედრის შემდეგ.

მარიამ ქვრივიშვილის შეფასებით, საქართველოსა და ფინეთს შორის არსებობს ინვესტიციების, ტურიზმის, ავიამიმოსვლის, ინოვაციებისა და ეკონომიკის სხვა მნიშვნელოვანი დარგების განვითარების დიდი პოტენციალი.

შეხვედრაზე ხაზი გაესვა ორივე ქვეყნის მზაობას იმისთვის, რომ გაღრმავდეს და გაფართოვდეს ეკონომიკური თანამშრომლობის სფეროები.

მარიამ ქვრივიშვილმა ფინეთის დელეგაციას დეტალურად გააცნო საქართველოს ბიზნესგარემო, ეკონომიკური ზრდის ტენდენციები და ის რეფორმები, რომლითაც საქართველო მრავალი წელია საინვესტიციო მიმზიდველობას აქტიურად ინარჩუნებს.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ