შპს „ბათუმის წყალი" სანიაღვრე არხებისა და ცხაურების გაწმენდით სამუშაოებს მთელი ღამის განმავლობაში ახორციელებდა.
„ბათუმის მასშტაბით გაწმენდილია ცხაურის ზედაპირები, რათა არ შეიქმნას წყლის დაგუბების პრობლემები. ასევე, ინტენსიურად იწმინდება ზღვაში გამსვლელი სანიაღვრე არხები. ინტენსიურად მიმდინარეობს სანიაღვრე არხებისა და სანიაღვრე ჭების გაწმენდა", - ნათქვამია შპს „ბათუმის წყლის“ მიერ გავრცელებულ ინფორმაციაში.
გუშინ, ბათუმში ძლიერი წვიმის შედეგად, სანიაღვრე არხებში ადიდებული მდინარეებიდან მოხვედრილი ნატანი მასალის გამო რამდენიმე ქუჩა დაიტბორა.