აჭარის მთავრობის თავმჯდომარე თორნიკე რიჟვაძემ საბერძნეთის რესპუბლიკაში ევროპის საზღვაო რეგიონების კავშირის (CPMR) 50-ე გენერალურ ასამბლეაში მიიღო მონაწილეობა.

აჭარის მთავრობის მიერ გავრცელებული ინფორმაციით, თორნიკე რიჟვაძე ნორდ ჰოლანდიის რეგიონულ მინისტრს, ევროპის საზღვაო რეგიონების კავშირის პრეზიდენტს, ქეის ლოჰანს, ამავე კავშირის გენერალურ მდივანს, ელენი მარიანუს და CPMR-ის ბალკანეთისა და შავი ზღვის კომისიის აღმასრულებელ მდივანს, სტავროს კალონომოსს შეხვდა.

მათივე ცნობით, გენერალური ასამბლეის ფარგლებში, ჩატარდა CPMR-ის პრეზიდენტისა და პოლიტიკური ბიუროს წევრების არჩევნები, რომელშიც აჭარის ავტონომიური რესპუბლიკა, როგორც ორგანიზაციის სრულუფლებიანი წევრი რეგიონი და პოლიტიკური ბიუროს წევრი, კენჭისყრაში იღებდა მონაწილეობას.