მარნეულის მუნიციპალიტეტის სპორტული სკოლა, ძიუდოს საერთაშორისო დღეს "ძიუდოს ფესტივალით" შეუერთდა, რომელიც სოფელ თამარისის სპორტულ დარბაზში გაიმართა. ამის შესახებ ინფორმაციას მარნეულის მერია ავრცელებს.
მათი ცნობით, ფესტივალში მონაწილეობა მიიღეს, მარნეულის სპორტული სკოლის: ქალაქ მარნეულის, სოფელ წერეთლის, სოფელ თამარისისა და ქვემო სარალის ძიუდოს აღსაზრდელებმა და მწვრთნელებმა.
“ფესტივალის ფარგლებში, საქართველოს ძიუდოს ეროვნული ფედერაციის მიერ მოვლენილმა ტრენერმა, კახა გვიჩიანმა, მოსწავლეებისათვის საჩვენებელი მასტერკლასი ჩაატარა. ღონისძიების დასრულების შემდგომ, ყველა მონაწილეს, სიმბოლურად გადაეცათ სიგელები“,- აღნიშნულია ინფორმაციაში.