გარემოს დაცვისა და სოფლის მეურნეობის მინისტრის მოადგილეები ახმეტის მუნიციპალიტეტში იმყოფებოდნენ

გარემოს დაცვისა და სოფლის მეურნეობის მინისტრის მოადგილეები კახა კაკაბაძე და ნინო თანდილაშვილი პროექტის „საქართველოში ტყის სექტორის რეფორმის განხორციელების მხარდაჭერა- ECO.Georgia“ მიმდინარეობის საკითხებს ახმეტის მუნიციპალიტეტში გაეცნნენ.

უწყების პრესსამსახურის ცნობით, აღნიშნულ 7 წლიან პროექტს საქართველოს მთავრობა დედოფლისწყაროს, თელავის, ახმეტის, ყვარლის, ჩოხატაურის, ლანჩხუთის, ოზურგეთისა და თიანეთის მუნიციპალიტეტებში ახორციელებს.

ღონისძიებას გერმანიის საელჩოს, გერმანიის საერთაშორისო თანამშრომლობის საზოგადოება(GIZ) და საქართველოში კლიმატის მწვანე ფონდის (GCF) პროექტის წარმომადგენლები, ასევე, გარემოს დაცვისა და სოფლის მეურნეობის სამინისტროსშესაბამისი სტრუქტურული ერთეულების ხელმძღვანელები ესწრებოდნენ.

„მნიშვნელოვანია, ყველა სექტორში არსებობდეს კლიმატის ცვლილების ადაპტაციისაკენ მიმართული ღონისძიებები, რომელიც არსებულ გამოწვევებს უპასუხებს. ჩვენ აქტიურად ვმუშაობთ აღებული ვალდებულებების სრულყოფილად შესრულებისთვის, რათა განვახორციელოთ ყველა ის ღონისძიება, რაც ხელს შეუწყობს კლიმატის ცვლილების შერბილებას არამარტო ეროვნულ, არამედ გლობალურ დონეზეც. ენერგოეფექტური ღუმელები, რომლის წარმოების მხარდაჭერასაც პროექტი ECO.Georgiaითვალისწინებს, მნიშვნელოვნად შეამცირებს ტყეზე ზეწოლას, ასევე, ხელს შეუწყობს ტყის რესურსების მდგრად გამოყენებას“, - აღნიშნა გარემოს დაცვისა და სოფლის მეურნეობის მინისტრის მოადგილემ,კახა კაკაბაძემ.

მინისტრის მოადგილეები, მოწვეულ სტუმრებთანერთად, ახმეტაში ღუმელების საწარმოშიიმყოფებოდნენ. ასევე, „საქმიან ეზოში“ მერქნული რესურსის დასაწყობების, დახარისხებისა და რეალიზაციის პროცესს გაეცნენ. ტყეების მდგრადი მართვის ჩამოყალიბება მნიშვნელოვანია, როგორც ქვეყნის ეკოლოგიური, ეკონომიკური და სოციალური კეთილდღეობისთვის, ისე კლიმატის ცვლილებისა ადაპტაციისა და შერბილების პროცესში.

აღინიშნა, რომ ღუმელების საწარმო შესაძლებელია ჩაერთოს სოფლის განვითარების სააგენტოს მიერ ინიცირებულ ენერგოეფექტური ღუმელების ვაუჩერების პროგრამაში, რომელიც ხორციელდება კლიმატის მწვანე ფონდის (GCF) პროექტის „საქართველოში ტყის სექტორის რეფორმის გატარების მხარდაჭერა ტყის დეგრადაციით გამოწვეული სათბური აირების ემისიის შემცირების მიზნით“ ფარგლებში.

ზემოაღნიშნული მიზნების მისაღწევად, კლიმატის მწვანე ფონდის (GCF) მიერ გამოყოფილია 33 მლნ ევროს ოდენობის გრანტი. პროექტის განხორციელებისთვის 10 მილიონი ევროს კონტრიბუციას განახორციელებს გერმანიის ფედერაციული რესპუბლიკის მთავრობა, ხოლო შვეიცარიის კონფედერაციის დახმარება 4 მილიონი ევროა. ჯამში, გრანტის სახით გამოყოფილი თანხა 47 მილიონ ევროს შეადგენს.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა