პაატა მანჯგალაძე - ბიძინა ივანიშვილს არანაირი თანამდებობა არ აქვს, მაგრამ ჰომეინივით, სასულიერო ლიდერის ავტორიტეტის ფუნქციების მატარებელია - ევროპელები გვეუბნებიან, რომ ფორმალურად მიღებულ კანონებს ვერ ჩათვლიან რეკომენდაციების შესრულებად

ბიძინა ივანიშვილს არანაირი თანამდებობა არ აქვს, მაგრამ ჰომეინივით, სასულიერო ლიდერის ავტორიტეტის ფუნქციების მატარებელია, - ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ დეოლიგარქიზაციის შესახებ კანონპროექტზე კომენტირებისას განაცხადა.

როგორც მან აღნიშნა, ევროპელი პარტნიორები სკეპტიკურად უყურებენ პროცესს, რომელიც საქართველოში მიმდინარეობს და აღნიშნავენ, რომ ფორმალური ცვლილებები რეკომენდაციების შესრულებად ვერ ჩაითვლება.

„ოლიგარქიასთან დაკავშირებულ კანონზე არა მარტო საქართველოს მიმართ, უკრაინული კანონის მიმართაც აქვთ შენიშვნები ევროკომისიას. საქართველოსთან მიმართებით პირდაპირ საუბრობენ, რომ ეს კანონი აცდენილია რეალობას, ვერ აზღვევს იმ რისკებს, რაც საქართველოშია. ერთი ადამიანის ოლიგარქიულ მმართველობას ეწირება ქვეყნის ინტერესი, ამასთან დაკავშირებით, რა თქმა უნდა, აქვთ შენიშვნები. ფორმალურად, რა თქმა უნდა, ივანიშვილი გასულია ყველანაირი სივრციდან, არანაირი თანამდებობა არ აქვს, მაგრამ ჰომეინივით, სასულიერო ლიდერის ავტორიტეტის ფუნქციების მატარებელია. ევროპელები გვეუბნებიან, რომ ფორმალურად მიღებულ კანონებს ვერ ჩათვლიან რეკომენდაციების შესრულებად,“ - განაცხადა მანჯგალაძემ.

პარლამენტი „დეოლიგარქიზაციის შესახებ“ კანონპროექტის განხილვას იწყებს. მმართველი გუნდის მიერ ინიცირებულ კანონის პროექტზე დღეს იურიდიულ საკითხთა კომიტეტში იმსჯელებენ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა