ფოთში, ახალგაზრდების ხარისხიან განათლებაში შეტანილი მნიშვნელოვანი წვლილისათვის „ეიპიემ ტერმინალს ფოთმა“ მასწავლებელთა დღისადმი მიძღვნილ ღონისძიებაზე სკოლის პედაგოგები დააჯილდოვა. ამის შესახებ ინფორმაციას „ეიპიემ ტერმინალს ფოთი“ ავრცელებს.
მათი ინფორმაციით, 2021-2022 სასწავლო წლის შედეგების მიხედვით გამოვლინდა და დაჯილდოვდა სამი საუკეთესო პედაგოგი: მირანდა შამანაძე, ლიანა ანთაძე და მარინა მიმინოშვილი სოციალურ აქტივობებში, ინკლუზიურ განათლებაში, გარემოს დაცვასა და STEM მიმართულებით გამორჩეული აქტივობებისთვის.
ამასთან, კორპორაციული მდგრადობის ჭრილში, „ეიპიემ ტერმინალს ფოთის“ ერთ-ერთი პრიორიტეტული მიმართულება ადგილობრივი მოსახლეობისათვის, განსაკუთრებით კი ახალგაზრდებისათვის, ხარისხიანი განათლების მიღების ხელშეწყობაა.
„ამ მიმართულებით კომპანია არაერთ ინიციატივას ახორციელებს“,- აღნიშნავენ „ეიპიემ ტერმინალს ფოთში“.