ნიკა მელია - 12 პუნქტის შესრულებას დღის სინათლე არ უწერია - ქვეყანაში ერთადერთი ოლიგარქი ივანიშვილია, რომელიც საქართველოს მოქალაქეებისთვის ბარიერია ევროინტეგრაციის გზაზე

12 პუნქტის შესრულებას დღის სინათლე არ უწერია- ქვეყანაში ერთადერთი ოლიგარქი არის ბიძინა ივანიშვილი, რომელიც საქართველოს მოქალაქეებისთვის ბარიერია ევროინტეგრაციის გზაზე,- ამის შესახებ „ნაციონალური მოძრაობის“ თავმჯდომარე ნიკა მელიამ “დეოლიგარქიზაციის შესახებ“ კანონპროექტზე საუბრისას განაცხადა.

როგორც ნიკა მელია აღნიშნავს, „ქართული ოცნების“ წევრებს სჯერათ, რომ ბიძინა ივანიშვილი არის მეცენატი და არა ოლიგარქი. მისივე თქმით, ეცდებიან რომ „ბიძინა ივანიშვილს ცივი ნიავი არ გააკარონ“.

„ ჩემი დაკვირვებით, არ არიან ჩამოყალიბებულები, რომ მიიღონ თუნდაც ის კანონი, რომელიც უკრაინელებისგან აქვთ გადმოტანილი, რაც ჩვენს რეალურ კონტექსტს არ ერგება.

ის, რომ ბიძინა ივანიშვილს „ქართული ოცნების“ არცერთი წარმომადგენელი სათვალავშიც კი არ თვლის, როგორც ოლიგარქს, ეს გაცხადებულია. ბუნებრივია, მათ მართლაც სჯერათ, ან უნდათ დაიჯერონ, რომ იგი არის მეცენატი და არა ოლიგარქი. იქ, სადაც „ქართული ოცნების“ სახით პარლამენტში უმრავლესობაა, ბუნებრივია, ისინი ამ ეტაპზე ცივ ნიავსაც არ გააკარებენ ამ თვალსაზრისით.

ჩვენი კოლეგები ამერიკის შეერთებულ შტატებში, სტრასბურგში ინფორმირებულები არიან, რომ 12 პუნქტიდან არცერთი პუნქტის შესრულებას არ აპირებენ. არცერთი საერთაშორისო პარტნიორის რეკომენდაციას არ ითვალისწინებენ. 12 პუნქტის შესრულებას დღის სინათლე არ უწერია, ეს არის გამორიცხული რუსული ოლიგარქიული მმართველობის პირობებში.

ქვეყანაში არსებობს ერთადერთი ოლიგარქი. ოლიგარქი, რომელსაც აქვს არა უდიდესი გავლენა „ქართული ოცნების“ მართვის სადავეებზე, არამედ თავიდან ბოლომდე კონტროლი. მთელმა ცივილურმა სამყარომ იცის, განსაკუთრებულად, ყველა ქომაგმა ჩვენი ქვეყნის, რომ ერთადერთი ოლიგარქი არის ბიძინა ივანიშვილი, რომელიც ბარიერია ევროინტეგრაციის გზაზე საქართველოს მოქალაქეებისთვის “,- აღნიშნავს მელია.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე