აჭარის საავტომობილო გზების დეპარტამენტის ინფორმაციით, მუნიციპალიტეტებში დამეწყრილ ტერიტორიებზე მთელი ღამის განმავლობაში გაწმენდითი სამუშაოები მიმდინარეობდა.
როგორც უწყებაში აღნიშნეს, ამ დროისათვის საავტომობილო მოძრაობა არცერთი მიმართულებით შეზღუდული არ არის.
“აჭარის მუნიციპალიტეტებში საავტომობილო გზების გაწმენდითი სამუშაოები გრძელდება, მთელი ღამის განმავლობაში აჭარის საავტომობილო გზების დეპარტამენტის სპეცტექნიკა ყველა მუნიციპალიტეტში დამეწყრილი გზების გაწმენდით სამუშაოებს ინტენსიურ რეჟიმში ახორციელებდა. ძირითად მიმართულებებზე სამუშაოები დასრულებულია, ხოლო დარჩენილი მონაკვეთების გაწმენდა ეტაპობრივად განხორციელდება. საავტომობილო მოძრაობა არცერთი მიმართულებით შეზღუდული არ არის”, - აცხადებენ უწყებაში.
