ნინო ლაცაბიძე - ჩვენთვის მნიშვნელოვანია, ადგილობრივი თვითმმართველობის განხორციელების  პროცესში,  რაც შეიძლება მეტი ახალგაზრდა იყოს ჩართული

რუსთავის მერიაში, ქალაქის მერის, ნინო ლაცაბიძის მიერ ინიცირებული სტუდენტური პროგრამის - ,,მართე შენი ქალაქი“ მესამე ეტაპი დასრულდა. ამის შესახებ ინფორმაციას რუსთავის მუნიციპალიტეტის მერია ავრცელებს.

მათივე ცნობით, რუსთავის მერი დღეს პროექტის მონაწილე სტუდენტებს შეხვდა.

ნინო ლაცაბიძე სტაჟირების პროგრამაში ჩართულ სტუდენტებს გაესაუბრა და მათი შთაბეჭდილებები მოისმინა.

,,რუსთავის მერიაში ძალიან საინტერესო პროგრამას ვახორციელებთ. პროგრამა წარმატებული აღმოჩნდა, იქიდან გამომდინარე, რომ ძალიან დიდია დაინტერესება ახალგაზრდების მხრიდან. ჩვენთვის მნიშვნელოვანია, რომ ადგილობრივი თვითმმართველობის განხორციელების პროცესში, რაც შეიძლება მეტი ახალგაზრდა იყოს ჩართული. ეს პროგრამა, სწორედ ხელს უწყობს იმას, რომ ახალგაზრდებმა რაც შეიძლება მეტი ინფორმაცია მიიღონ მუნიციპალიტეტის საქმიანობის შესახებ“, - განაცხადა რუსთავის მერმა ნინო ლაცაბიძემ.

შეხვედრის დასასრულს, რუსთავის მერმა სტუდენტებს სერტიფიკატები და სიმბოლური საჩუქრები გადასცა.

,,სტაჟირების პროგრამაში მონაწილეობა, ძალიან დიდი გამოცდილება და გამოწვევა იყო ჩვენთვის, როგორც ახალგაზრდებისთვის. გავეცანით მუნიციპალიტეტის მუშაობის სპეციფიკას. ვფიქრობ, რომ სამომავლოდ, ეს გამოცდილება ძალიან გამოგვადგება", - განაცხადა პროექტის მონაწილე ნინო გოცირიძემ.

როგორც ინფორმაციაშია ნათქვამი, პროგრამა - ,,მართე შენი ქალაქი“, ქალაქის მართვაში სტუდენტების აქტიურ ჩართვას ითვალისწინებს. ერთთვიანი პროგრამის ფარგლებში, ახალგაზრდები მერიის სხვადასხვა სამსახურების სტრუქტურასა და მუშაობის სპეციფიკას გაეცვნენ, ასევე მონაწილეობა მიიღეს სამუშაო შეხვედრებსა და პროექტებში.

პროგრამაში ჩართვის მსურველთა შერჩევა ონლაინ რეგისტრაციით მოხდა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება