ხობის მუნიციპალიტეტის პირველი მაისის ერთეულში საგაბისონიოს უბანში გზის რეაბილიტაცია მიმდინარეობს.
ხობის მერიის ინფორმაციით, პროექტს, რომლის საერთო სახელშეკრულებო ღირებულება 1 005 316,95 ლარია, შპს ,,შარა-გზამშენი პირველი“ ახორციელებს.
უწყების ცნობით, მიმდინარე სამუშაოები სამეგრელო-ზემო სვანეთის სახელმწიფო რწმუნებულის მოადგილემ ლუდუკ ხასიამ და ხობის მუნიციპალიტეტის მერის მოადგილემ რევაზ ზაქარაიამ მერიის ინფრასტრუქტურის, ურბანული განვითარებისა და არქიტექტურის სამსახურის უფროსთან გია ჩაბალუხასთან ერთად დაათვალიერეს.
სამუშაოები ორ ეტაპად განხორციელდება და 2023 წელს დასრულდება.