შალვა პაპუაშვილი აშშ-ის საერთაშორისო განვითარების სააგენტოს  ევროპისა და ევრაზიის ქვეყნების ბიუროს ადმინისტრატორის მოადგილეს შეხვდა

საქართველოს პარლამენტის თავმჯდომარე შალვა პაპუაშვილი აშშ-ის საერთაშორისო განვითარების სააგენტოს (USAID) ევროპისა და ევრაზიის ქვეყნების ბიუროს ადმინისტრატორის მოადგილეს ერინ მაკკის შეხვდა. ამის შესახებ ინფორმაციას პარლამენტის პრესსამსახური ავრცელებს.

მათი ინფორმაციით, შალვა პაპუაშვილმა დადებითად შეაფასა საქართველოს მრავალწლიანი თანამშრომლობა USAID-თან და ქართველი ხალხისა და ქვეყნის დემოკრატიული განვითარების მხარდაჭერისთვის მადლიერება გამოხატა.

„ერინ მაკკიმ აღნიშნა, რომ 30 წლის განმავლობაში USAID ნაყოფიერად თანამშრომლობს საქართველოს პარლამენტსა და კომიტეტებთან.

მან გამოხატა საქართველოს მხარდაჭერის მზადყოფნა ევროკავშირის 12 რეკომენდაციის განხორციელების პროცესში.

შეხვედრაზე ხაზი გაესვა ეროვნული და ადგილობრივი მმართველობის გაძლიერების თაობაზე USAID-ის ორი ახალი პროგრამის მნიშვნელობას“, - ნათქვამია ინფორმაციაში.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა