ბათუმში უხვმა ნალექმა რამდენიმე ქუჩის დატბორვა გამოწვია. როგორც შპს „ბათუმის წყალში“ აცხადებენ, მობილური ჯგუფების მიერ სანიაღვრე ჭების, არხების გაწმენდითი სამუშაოები ხორციელდება და შესაბამისი სალიკვიდაციო ღონისძიებები ტარდება. მათივე ინფორმაციით, მთელი ღამის განმავლობაში მობილიზებული იყო „ბათუმის წყლის“ სპეცტექნიკა და სანიაღვრე ქსელის ჯგუფები.

ინტენსიურად მიმდინარეობდა ამოტუმბვითი სამუშაოები.

უწყების ცნობით, დილის მონაცემებით, დატბორვასთან დაკავშირებიით დაფიქსირებულია 10-მდე მისამართი.