ქუთაისის მერი ადგილობრივ თვითმმართველობათა ეროვნული ასოციაციის აღმასრულებელ დირექტორთან და CORLEAP-ის დელეგაციის წევრებთან ერთად ჩეხეთში იმყოფება

ქუთაისის მერი იოსებ ხახალეიშვილი, საქართველოს ადგილობრივ თვითმმართველობათა ეროვნული ასოციაციის აღმასრულებელ დირექტორთან დავით მელუასთან და CORLEAP-ის დელეგაციის წევრებთან ერთად, სამუშაო ვიზიტით, ჩეხეთის რესპუბლიკაში იმყოფება, რომლის ფარგლებშიც ქართული დელეგაციის წარმომადგენლები ჩეხეთის რესპუბლიკის მუნიციპალიტეტებს შორის თანამშრომლობისა და კრიზისების მართვის სპეციფიკას და აღნიშნული მიმართულებებით განხორციელებულ პროექტებს ადგილზე გაეცნენ.

ქუთაისის მერიის ცნობით, შეხვედრაზე აღინიშნა, რომ თანამშრომლობის აღნიშნული მოდელის ფუნქციონირება მუნიციპალიტეტებს საშუალებას აძლევს გააერთიანონ რესურსები და ერთად განახორციელონ პროექტები, რომლებიც ადგილობრივი განვითარების, ტურიზმისა და სხვა სფეროების ხელშეწყობაზეა ორიენტირებული.

მათივე ინფორმაციით, ქართული დელეგაციის წარმომადგენლებმა, ჩეხ კოლეგებს, აღნიშნული მიმართულებებით საქართველოში გატარებული ღონისძიებების შესახებ მიაწოდეს ინფორმაცია და სამომავლოდ, კიდევ უფრო პროდუქტიული თანამშრომლობის იმედი გამოთქვეს.

დელეგაციის ვიზიტი ევროპის რეგიონთა და თვითმმართველობათა კომიტეტის აღმოსავლეთ პარტნიორობის კონფერენციის (CORLEAP) მე-11 წლიური შეხვედრის ფარგლებში მოეწყო, რომელიც ჩეხეთის რესპუბლიკის ქალაქ ლიბერეკში გაიმართა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა