ელენე ხოშტარია, გიორგი ვაშაძე და ზურაბ ჯაფარიძე ბათუმში სხვადასხვა სფეროს წარმომადგენლებს ხვდებიან

სამი პოლიტიკური პარტიის - „დროას“, „სტრატეგია-აღმაშენებლის” და „გირჩი - მეტი თავისუფლების” თავმჯდომარეები საზოგადოების სხვადასხვა სფეროს წარმომადგენლებთან ევროინტეგრაციის საკითხებზე შეხვედრას ამჯერად ბათუმში მართავენ.

„დროას“ ლიდერის, ელენე ხოშტარიას განცხადებით, შეხვედრაზე ისაუბრებენ მთავარი იდეის, ევროპული პერსპექტივის შესახებ და განიხილავენ საკითხებს, თუ როგორ უნდა მოხდეს დეოლიგარქიზაცია და საქართველოს ევროინტეგრაცია.

„ვაგრძელებთ საჯარო შეხვედრებს იმ მთავარი იდეის შესახებ, რის გარშემოც ვართ გაერთიანებული - ევროპული პერსპექტივა როგორ უნდა იყოს მიღწეული, როგორ უნდა მოვახერხოთ დეოლიგარქიზაცია იმისთვის, რომ საქართველო მართლაც გახდეს ევროკავშირის წევრი, რა ნაბიჯებია გადასადგმელი, ერთობაში რას ვგულისხმობთ, რა ტიპის ქმედებებს და რა არის სამოქმედო გეგმა. გვინდა ამ შეხვედრებზე იყოს გულწრფელი, გახსნილი საუბარი. გვინდა, მოვისმინოთ, საზოგადოება როგორ ხედავს ჩიხური სიტუაციიდან გამოსავალს და ასევე შევთავაზოთ ჩვენი ხედვა“,- განაცხადა ელენე ხოშტარიამ.

კითხვაზე, რამდენადაა ე.წ. სამეულის გაფართოების პერსპექტივა, ხოშტარია ამბობს, რომ აღნიშნული პარტიები ყველანაირ ძალისხმევას ჩადებენ, რათა გაფართოება მოხდეს.

„ჯერ ძალიან ცოტა დროა, რაც საჯაროდ გამოვედით და გადავედით მოქმედებებზე. გვესმის, რომ სხვა პოლიტიკური ძალებისგანაც კითხვები არსებობს. არ მაქვს პრობლემა კრიტიკის მიღებაზეც. როგორც არ უნდა იყოს, ყველანაირ ძალისხმევას ჩავდებთ, რომ ეს გაფართოება მოხდეს, რადგან მიგვაჩნია, რომ მიზანს ეს სჭირდება“,- განაცხადა ელენე ხოშტარიამ.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს