ქობულეთში, ბობოყვათის მცხოვრებლებმა სანაპიროზე არსებული მიწის ნაკვეთების დაბრუნების მოთხოვნით საპროტესტო აქცია გამართეს. როგორც შეკრებილებმა განაცხადეს, მიწის ნაკვეთები სახელმწიფომ ინვესტორზე გაასხვისა.
აქციის მონაწილეების თქმით, ისინი სამართლიანობის აღდგენას გეგმავენ. მათი განმარტებით, სანაპიროზე არსებული მიწის ნაკვეთის შემოღობვას გეგემავენ.
„ ჩვენ აღნიშნულ ტერიტორიაზე სადღეღამისო კარვებს გავშლით, აღნიშნული ტერიტორიის შემოღობვას განვახორციელებთ, დავიცავთ ჩვენი წინაპრების საკუთრებას, ინვესტორმა ახლა სამშენებლო სამუშაოები შეიძლება არ დაიწყოს, დააკონსერვოს და მომავალში უფრო მეტად გაყიდოს. ხალხი გავაკონტროლებთ ტერიტორიას”, - განაცხადა აქციაზე მყოფმა თამაზ ბაკურიძემ.