გორის მერია - გორში, თავისუფალ ჭიდაობაში დამსახურებული მწვრთნელის, ნუგზარ სხირელის მემორიალური დაფა გაიხსნა

საქართველოს ევროპის, მსოფლიოსა და ოლიმპიური ჩემპიონების აღმზრდელის, ნუგზარ სხირელის საცხოვრებელი სახლის ფასადზე მემორიალური დაფა მისმა შვილმა და შვილიშვილმა გახსნეს. აღნიშნულ ინფორმაციას გორის მუნიციპალიტეტის მერია ავრცელებს.

მერიის ცნობით, დღეს, 13 ნოემბერს, ნუგზარ სხირელს დაბადებიდან 77 წელი შეუსრულდებოდა. თავისუფალი ჭიდაობის სკოლის დამფუძნებელი, 2021 წელს 75 წლის ასაკში გარდაიცვალა.

აღნიშნულ ღონისძიებას გორის მუნიციპალიტეტის მერთან, ვლადიმერ ხინჩეგაშვილთან ერთად, ესწრებოდნენ შიდა ქართლის სახელმწიფო რწმუნებულის მოადგილე, თემურ ხუბულური, გორის მუნიციპალიტეტის საკრებულოს თავმჯდომარე, დავით რაზმაძე, მწვრთნელის ოჯახის წევრები, მეგობრები და სპორტსმენები. სტუმრებმა პატივი მიაგეს გარდაცვლილის ხსოვნას და მისი საფლავი ყვავილებით შეამკეს.

გორის მერიის ცნობით, ნუგზარ სხირელი იყო ღირსების ორდენისა და მედლის კავალერი. ამასთან, მისი აღზრდილები არიან წარმატებული სპორტსმენები დავით პოღოსიანი, ზაზა ზოზიროვი, ოთარ თუშიშვილი, ბესარიონ გოჩაშვილი, ლადო ხინჩეგაშვილი, გენო პეტრიაშვილი და სხვები.

მეორე დღეა, რაც მიმდინარეობს ნუგზარ სხირელის ხსოვნისადმი მიძღვნილი ტურნირი თავისუფალ ჭიდაობაში. შეჯიბრში ქვეყნის მასშტაბით 2003 – 2005 წლებში დაბადებული სპორტსმენები იღებენ მონაწილეობას. გორის მერიის განცხადებით, ფინალები ხვალ, 14 ნოემბერს გაიმართება. გამარჯვებულ და საპრიზო ადგილებზე გასულ მონაწილეებს გადაეცემათ თასები, მედლები და სიგელები.

ნუგზარ სხირელის ხსოვნისადმი მიძღვნილი ტურნირი პირველად გასულ წელს ჩატარდა. ღონისძიებამ ტრადიციული ხასიათი მიიღო და ყოველ წელს გაიმართება.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი