გორის მერია - ვლადიმერ ხინჩეგაშვილის ინიციატივით, წელს მეორედ გორში, დამსახურებული მწვრთნელის - ნუგზარ სხირელის ხსოვნისადმი მიძღვნილი, მემორიალური ტურნირი ჩატარდა

გორის მუნიციპალიტეტის მერის, ვლადიმერ ხინჩეგაშვილის ინიციატივით, წელს მეორედ გორში, დამსახურებული მწვრთნელის - ნუგზარ სხირელის ხსოვნისადმი მიძღვნილი, მემორიალური ტურნირი ჩატარდა. ამის შესახებ ინფორმაციას გორის მერია ავრცელებს.

შეჯიბრებები თავისუფალ ჭიდაობაში ახალგაზრდებს შორის 3 დღის განმავლობაში მიმდინარეობდა.

მათი ცნობით, საპრიზო ადგილებზე გასულ სპორტსმენებს გადაეცათ ფულადი პრიზები, თასები, მედლები, სიგელები. გარდა სპორტსმენებისა, დაჯილდოვდნენ ჩემპიონების (I საპრიზო ადგილი) პირადი მწვრთნელები.

“შეჯიბრში, 2003 – 2005 წლებში დაბადებული 100 - ზე მეტი სპორტსმენი იბრძოდა გამარჯვებისთვის. მათ 10 წონით კატეგორიაში იასპარეზეს. გასული წლისგან განსხვავებით, ტურნირში ქართველებთან ერთად სომეხი სპორტსმენებიც იღებდნენ მონაწილეობას.

ნუგზარ სხირელის სახელობის ტურნირი წელს მეორედ ჩატარდა. ღონისძიებამ ტრადიციული ხასიათი მიიღო და ყოველწლიურად გაიმართება.

შეჯიბრება გორის მუნიციპალიტეტის მერიის სპორტის განვითარებისა და ხელშეწყობის სააგენტოს ორგანიზებით, გორის მერიისა და საქართველოს ჭიდაობის ეროვნული ფედერაციის მხარდაჭერით ჩატარდა.

საქართველოს ევროპის, მსოფლიოსა და ოლიმპიური ჩემპიონების აღმზრდელს, ნუგზარ სხირელს მიმდინარე წლის 13 ნოემბერს 76 წელი შეუსრულდებოდა. აღნიშნულ თარიღთან დაკავშირებით, მისი საცხოვრებელი სახლის ფასადზე მემორიალური დაფაც გაიხსნა.

თავისუფალი ჭიდაობის სკოლის დამფუძნებელი ნუგზარ სხირელი 2021 წელს 75 წლის ასაკში გარდაიცვალა. ის გახლდათ ღირსების ორდენისა და მედლის კავალერი. მისი აღზრდილები არიან წარმატებული სპორტსმენები დავით პოღოსიანი, ზაზა ზოზიროვი, ოთარ თუშიშვილი, ბესარიონ გოჩაშვილი, ლადო ხინჩეგაშვილი, გენო პეტრიაშვილი და სხვები“,- ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება