აჭარის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის სხდომაზე 2023 წლის რესპუბლიკური ბიუჯეტის პროექტი და 2023-2026 წლების პრიორიტეტების დოკუმენტი განიხილეს

2023 წლის რესპუბლიკური ბიუჯეტის პროექტი და 2023-2026 წლების პრიორიტეტების დოკუმენტი ამჯერად განათლების, მეცნიერების, კულტურისა და სპორტის საკითხთა კომიტეტში განიხილეს. ამის შესახებ ინფორმაციას აჭარის უმაღლესი საბჭო ავრცელებს.

აჭარის მთავრობის თავმჯდომარის - თორნიკე რიჟვაძის მიერ ინიცირებული კანონის პროექტი ფინანსთა და ეკონომიკის მინისტრმა - ჯაბა ფუტკარაძემ წარმოადგინა.

„ძირითადი საბიუჯეტო პარამეტრების, მნიშვნელოვანი პროგრამებისა და სიახლეების განხილვის შემდეგ, კომიტეტის წევრებს განათლების, კულტურისა და სპორტის მიმართულებით, კანონის პროექტით გათვალისწინებული პროგრამები განათლების, კულტურისა და სპორტის მინისტრმა - მაია ხაჯიშვილმა გააცნო.

მინისტრის განცხადებით, უწყების მომავალი წლის ბიუჯეტი 15 %-ით იზრდება და 95 მილიონ ლარს აჭარბებს, თუმცა ეს საბოლოო პარამეტრები არ არის. გაზრდილი ბიუჯეტი მოიცავს სასკოლო ინფრასტრუქტურის მშენებლობა-რეაბილიტაციის, სკოლების ავტორიზაციისთვის მომზადების, მოსწავლეთა ტრანსპორტირების, სტუდენტთა უცხოეთში სწავლების, საერთო საცხოვრებლებით უზრუნველყოფისა და სხვა მნიშვნელოვან პროგრამებს.

მინისტრებმა უპასუხეს კანონმდებელთა შეკითხვებს და მოისმინეს მათი მოსაზრებები. კომიტეტმა მხარი დაუჭირა საკითხზე შემდგომი პროცედურების გაგრძელებას.

სხდომაზე, რომელსაც კომიტეტის თავმჯდომარე - დავით ბაციკაძე უძღვებოდა, ასევე განიხილეს და ცნობად მიიღეს ჯაბა ფუტკარაძის მიერ წარმოდგენილი 2022 წლის ბიუჯეტის სამი კვარტლის შესრულების ანგარიში“, - ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება