აჭარაში კონკურსებსა და ოლიმპიადებში გამარჯვებული 133 მოსწავლე დაჯილდოვდა

აჭარის მთავრობის თავმჯდომარემ გამარჯვებული მოსწავლეები დააჯილდოვა, მიღწეული წარმატება მიულოცა და აღნიშნა, რომ ახალგაზრდების შრომა მუდმივად იქნება დაფასებული. ამის შესახებ ინფორმაციას აჭარის მთავრობის პრესსამსახური ავრცელებს.

მათივე ცნობით, 2021 წელს კონკურსებსა და ოლიმპიადებში 15 000-მდე მოსწავლემ მიიღო მონაწილეობა. გამარჯვებულ 133 მოსწავლეს ლეპტოპები, პლანშეტები და დიპლომები გადაეცათ. ოლიმპიადა ექვს სხვადასხვა საგანში გაიმართა. ჩატარდა სპორტული შეჯიბრებები, კონკურსები, ლიტერატურული მარათონი, სახვითი ხელოვნების კონკურსი. ესეების კონკურსში გამარჯვებული 10 მოსწავლე პოლონეთის ქალაქ ვროცლავში გაემგზავრა.

„აჭარის განათლების, კულტურისა და სპორტის სამინისტრო კონკურსებსა და ოლიმპიადებს საჯარო და კერძო სკოლების მოსწავლეებისათვის 2012 წლიდან ატარებს.

დაჯილდოებაში მონაწილეობა აჭარის განათლების მინისტრმა, მაია ხაჯიშვილმა, ქალაქ ბათუმის მერმა არჩილ ჩიქოვანმა, უმაღლესი საბჭოს და აჭარის მთავრობის წევრებმა მიიღეს”,- აღნიშნულია ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს