პრემიერი - „ხალხის ძალა“ რჩება უმრავლესობაში - ასე რომ არ იყოს, „ქართული ოცნება“ დაკარგავს უმრავლესობას და ჩვენ რეალურად გვექნება პრობლემები

საქართველოს პრემიერ-მინისტრმა ირაკლი ღარიბაშვილმა, პარლამენტში, ინტერპელაციის წესით წარდგენის დროს, „ხალხის ძალის“ შესახებ დასმულ კითხვას უპასუხა და ხაზი გაუსვა, რომ საზოგადოებრივი მოძრაობის წარმომადგენლები, განცხადებების გაკეთებისას, საკუთარ კონსტიტუციურ - სიტყვისა და გამოხატვის უფლებას იყენებენ. პრემიერმა მოძრაობის წევრებს წარმატება უსურვა.

პრემიერის თქმით, ხალხის ძალასთან პოზიციები გამიჯნულია და არსებობს რიგი განსხვავებები, მიუხედავად ამისა ისინი რჩებიან უმრავლესობაში.

მისი განცხადებით, ასე რომ არ იყოს, „ქართული ოცნება“ უმრავლესობას დაკარგავს.

„ჩვენი უმრავლესობიდან რამდენიმე დეპუტატი გავიდა, დატოვა პარტია. ეს მათი არჩევანია. ჩვენ მანამდეც გვქონდა საუბარი პარტიის შიგნით. ამაზე, რა თქმა უნდა, ღიად არ დავიწყებ საუბარს, ეს არ არის ჩვენი სტილი. ჩვენი გზები, რომ იტყვიან, გაიმიჯნა. თვითონ ამ ადამიანებმა, ძვირფასმა დეპუტატებმა, გადაწყვიტეს, რომ შექმნან დამოუკიდებელი მოძრაობა და პარტიაც, ალბათ. არაერთხელ ვთქვით მკაფიოდ, რომ ჩვენი პოზიციები არის გამიჯნული. ჩვენ გვაქვს რიგი განსხვავებები, მაგრამ ისინი რჩებიან უმრავლესობაში. ასე რომ არ იყოს, „ქართული ოცნება“ დაკარგავს უმრავლესობას და ჩვენ რეალურად გვექნება პრობლემები, მივიღოთ კანონები. მეორე - ჩვენი ერთ-ერთი მთავარი დაპირება და, ასე ვთქვათ, მონაპოვარი 1-ლი ოქტომბრის არის ის, რომ ნებისმიერ ადამიანს აქვს თავისი კონსტიტუციური უფლების, სიტყვის, აზრის გამოხატვის უფლება, ეს უფლება დავუბრუნეთ ჩვენს მოსახლეობას, ხალხს. და, მით უმეტეს, როგორ შეიძლება, დეპუტატებს შეუზღუდოს ვინმემ ეს კონსტიტუციური უფლება? ეს მათი არჩევანია და მინდა, ყველას წარმატება ვუსურვო. ჩვენ არავის საქმეში არ ვერევით, არცერთი სხვა მოძრაობის საქმეში არ ვერევით და ამის შესახებ სხვა კომენტარს ვერ გავაკეთებ“, - აღნიშნა ირაკლი ღარიბაშვილმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება