საქართველოში „კარტერ’ს-ის“ პირველი ოფიციალური მაღაზია იხსნება - პირველადი საინვესტიციო ბიუჯეტი 2 მლნ ლარია

„გალერია თბილისში“ საბავშვო ტანსაცმლისა და აქსესუარების ბრენდის „კარტერ’ს-ის“ პირველი ოფიციალური მაღაზია გაიხსნება. პროექტს ფარმაცევტული კომპანია „გეფა“ ახორციელებს და პირველადი საინვესტიციო ბიუჯეტი 2 მილიონი ლარია.

2023 წლიდან კი იგეგმება „კარტერ’ს-ის“ დამოუკიდებელი მაღაზიების რაოდენობის გაზრდა ქვეყნის მასშტაბით.

„გეფას“ ფრანშიზების მართვის განყოფილების ხელმძღვანელის ნანა ჭანტურიას განცხადებით პროდუქციის ჯპს-სა და „ფარმადეპოს“ ქსელში გაშლა მომხმარებელს საშუალებას მისცემს, უმაღლესი ხარისხის საბავშვო ტანსაცმელი და აქსესუარები კიდევ უფრო სწრაფად და მარტივად შეიძინოს.

„მოხარული ვართ, რომ ყველასთვის საყვარელი ბრენდის უახლესი კოლექციების შეძენა უკვე საქართველოშიც შესაძლებელი იქნება. გვაქვს განვითარების საკმაოდ ამბიციური გეგმა. გარდა დამოუკიდებელი მაღაზიისა, სადაც სრული კოლექცია იქნება წარმოდგენილი, „კარტერ’ს-ის“ პროდუქცია მალე ჯპს-სა და „ფარმადეპოს“ აფთიაქებშიც იქნება ხელმისაწვდომი, გვეწვიეთ 21 ნოემბერს გახსნის ღონისძიებაზე, ერთად აღვნიშნოთ ბრენდის შემოსვლა საქართველოს ბაზარზე,“ - განაცხადა ნანა ჭანტურიამ.

ამერიკული ბრენდი „კარტერ’ს-ი“ 1865 წელს უილიამ კარტერსმა დააარსა და უკვე 156-წლიან ისტორიას მოიცავს. ბრენდი მაღალი ხარისხის, დახვეწილი დიზაინის, კომფორტული და მრავალფეროვანი კოლექციებით არის ცნობილი.

„კარტერ’ს-ი“ მომხმარებლებს მაღალი ხარისხის მომსახურებასა და უახლეს, მუდამ განახლებად კოლექციებს შესთავაზებს. მისი ოფიციალური მაღაზია კი 21 ნოემბერს 17:00 საათზე „გალერია თბილისის“ მესამე სართულზე საზეიმოდ გაიხსნება. კომპანიის წარმომადგენლები ამერიკის შეერთებული შტატების ელჩთან საქართველოში კელი დეგნანთან ერთად საზეიმო ლენტს გაჭრიან. სტუმრებს შესაძლებლობა ექნებათ, საზეიმო გარემოში გაეცნონ უახლეს კოლექციებს, ისარგებლონ სპეციალური ფასდაკლებითა და მონაწილეობა მიიღონ წამახალისებელ გათამაშებაში.

„კარტერ’ს-ის“ საქართველოში შემოსვლასთან დაკავშირებით, კომპანიის გენერალურმა მენეჯერმა თამარ ცაგარეიშვილმა ბრენდის ხედვასა და მნიშვნელობაზე ისაუბრა:

„ყველასათვის საყვარელ ბრენდ „კარტერ’ს-ს“ ძალიან საინტერესო ისტორია აქვს. „კარტერ’ს-ის“ ხედვით, არავინ იცნობს ბავშვებს იმაზე უკეთ, ვიდრე კომპანიის ოჯახი. დაარსების დღიდან ბრენდის მთავარი მისიაა შეუქმნას კომფორტი და დაცულობის შეგრძნება ბავშვებსა და მათ მშობლებს. სწორედ, ამ სლოგანით აერთიანებს „კარტერ’ს-ი“ თავის მომხმარებლებს -„დასაწყისიდან ერთად“, „მომავლისკენ სიყვარულით“. ბავშვობა დღესასწაულია - სწორედ ამიტომ, „კარტერ’ს-ი“ მუდამ ანებივრებს ბავშვებს ფერადი კოლექციებით, პატარა და საყვარელი პერსონაჟები კი შექმნილია მხიარულებისა და სიყვარულის ინსპირაციით, რომელიც ბავშვებს შემოაქვთ ჩვენს ცხოვრებაში,“ - განაცხადა მან.

ბოლო სამი ათწლეულის განმავლობაში „კარტერ’ს-ი“ განსაკუთრებით იზრდება და ვითარდება. აღსანიშნავია, რომ ამერიკაში ბავშვის ტანსაცმლისა და აქსესუარების გაყიდვების მეოთხედი სწორედ „კარტერ’ს-ზე“ მოდის. ბრენდის პროდუქცია ხელმისაწვდომია როგორც „კარტერ’ს-ისა“ და „ოშკოშის“ მაღაზიებში, ასევე ონლაინ. აღსანიშნავია, რომ მაღალი ხარისხის გამო, ბრენდს საქართველოში საკმაოდ კარგად იცნობენ.

(R)

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება