რუსთავის მერიის 100-მდე თანამშრომელმა პროფესიული ტრენინგ-კურსები გაიარა

რუსთავის მერმა ნინო ლაცაბიძემ, საჯარო აუდიტის ინსტიტუტის ხელმძღვანელ გელა წიკლაურთან ერთად, მერიის თანამშრომლებს სერტიფიკატები გადასცა.

რუსთავის მერიის მიერ გავრცელებული ინფორმაციით, 2022 წელს, ქალაქ რუსთავის მუნიციპალიტეტის მერიის 98 საჯარო მოხელემ „საჯარო აუდიტის ინსტიტუტში“ პროფესიული გადამზადების ტრენინგ-კურსები გაიარა.

„მუნიციპალიტეტის გაძლიერებისთვის მნიშვნელოვანია რეფორმები და ამ რეფორმების მთავარი მიზანია ძლიერი საჯარო მოხელის შექმნა, ხელშეწყობა თითოეული იმ ადამიანის, ვინც ჩვენს გუნდში მუშაობს. წლის განმავლობაში მერიის 100-მდე თანამშრომელმა გაიარა პროფესიული გადამზადების ტრენინგ-კურსი. მათგან, რაც ყველაზე მთავარია, 43 წამყვან პოზიციაზე გადავიდა და ეს ადამიანები, ახალი შესაძლებლობით მოემსახურებიან თავის ქალაქს“, - განაცხადა რუსთავის მერმა ნინო ლაცაბიძემ.

„საჯარო აუდიტის ინსტიტუტთან“ რუსთავის მერია სამი წელია, რაც თანამშრომლობს. 2022 წელს, კორპორაციული, ინდივიდუალური და სპეციალური ტრენინგ-კურსების გავლის შემდეგ, რუსთავის მერიაში 43 საჯარო მოხელე წამყვან პოზიციაზე დაწინაურდა.

„რუსთავის მერიის თანამშრომლები ერთ-ერთი წარმატებული მუნიციპალიტეტის წარმომადგენლები არიან, რამეთუ აქტიურად არიან ჩართული ტრენინგ-კურსებში. ჩვენ, სწორედ მათი მოთხოვნიდან გამომდინარე ვახორციელებთ სპეციალურ ტრენინგ-კურსებს. მე პირველ რიგში, მინდა მადლობა გადავუხადო მუნიციპალიტეტის ყველა თანამშრომელს იმ შრომისთვის, რასაც ისინი ეწევიან რუსთავისა და რუსთაველებისთვის, ამის ერთ-ერთი გამოვლინებაა, მათი მოტივაცია და აქტიური ჩართულობა ტრენინგებში. ასევე მადლობა მინდა გადავუხადო, რუსთავის მუნიციპალიტეტის მერიის ხელმძღვანელობას, რომ თანამშრომლებს პროფესიული განვითარებისა და კარიერული წინსვლის შესაძლებლობას აძლევენ“, - განაცხადა „საჯარო აუდიტის ინსტიტუტის“ ხელმძღვანელმა გელა წიკლაურმა.

„საჯარო აუდიტის ინსტიტუტში“ გავლილი ტრენინგ-კურსები, შემდეგ მიმართულებებს მოიცავდა: სამშენებლო დავები, მუნიციპალიტეტის ქონების მართვისა და განკარგვის სამართლებრივი საფუძვლები, მენეჯერული უნარები, პროგრამული ბიუჯეტირება, პიროვნული და პროფესიული კომპეტენციების განვითარება, პიროვნული განვითარება, ლიდერობა და გუნდის მართვა, ეფექტური კომუნიკაცია.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი