კახა კალაძის განცხადებით, საქართველოდან უკრაინის ელჩის გაწვევა გულდასაწყვეტი იყო, თუმცა დარწმუნებულია, რომ ყველაფერი დალაგდება
„ქართული ოცნების“ გენერალური მდივნის კახა კალაძის განცხადებით, საქართველოდან უკრაინის ელჩის გაწვევის ფაქტი გულდასაწყვეტი იყო, თუმცა დარწმუნებულია, რომ ყველაფერი დალაგდება. ამის შესახებ კახა კალაძემ ჟურნალისტებს განუცხადა, როდესაც უპასუხა კითხვას, რას ფიქრობს სალომე ზურაბიშვილის განცხადებაზე, რომელიც საქართველოდან უკრაინის ელჩის გაწვვევას ეხება.
„მე არაფერს ვფიქრობ, ფაქტი, რაც მოხდა იყო ძალიან გულდასაწყვეტი, საქართველო ნამდვილად არ იმსახურებდა ელჩის გაწვევა მომხდარიყო. თუმცა, დარწმუნებული ვარ, რომ ყველაფერი დალაგდება და კალაპოტში ჩადგება“, - განაცხადა კახა კალაძემ.
