ფოთში, ოფიციალური ვიზიტით ოთხი ქვეყნის ელჩი იმყოფებოდა. ფოთის მერიის ინფორმაციით, ესტონეთის ელჩს რიინა კალიურანდს, შვედეთის ელჩს ულრიკ ტიდესტრომს, დანიის ელჩს ანე ტოფტ სორენსენს, ლიეტუვის ელჩს ანდრიუს კალინდრას და ლტოლვილთა დანიის საბჭოს წარმომადგენლებს გაცნობითი ხასიათის შეხვედრაზე, მუნიციპალიტეტის მერმა ბექა ვაჭარაძემ ქალაქის პრიორიტეტები, გამოწვევები და სამოქმედო გეგმები, საინვესტიციო და ტურისტული პოტენციალი გააცნო.

მათივე ცნობით, ვიზიტის ფარგლებში, ელჩებმა დევნილთა დასახლების ინფრასტრუქტურა და N2 სკოლამდელი სააღმზრდელო დაწესებულება დაათვალიერეს. ამასთან, ინფორმაციაში აღნიშნულია, რომ ბაღი, პოლონეთის საელჩოს და ლტოლვილთა დანიის საბჭოს (DRC) მხარდაჭერით აშენდა.