„ქართული ოცნების“ ახალგაზრდული ორგანიზაციის თავმჯდომარე გიორგი ჩაკვეტაძე ახალგაზრდა სოციალისტთა საერთაშორისო გაერთიანების პრეზიდიუმის სხდომებში მონაწილეობს
„ქართული ოცნების“ ახალგაზრდული ორგანიზაციის თავმჯდომარე გიორგი ჩაკვეტაძე მადრიდში, ახალგაზრდა სოციალისტთა საერთაშორისო გაერთიანების (IUSY) პრეზიდიუმის სხდომებში მონაწილეობს. პრეზიდიუმი ესპანეთის პრემიერ-მინისტრმა პედრო სანჩესმა, ევროპარლამენტის წევრებთან და საერთაშორისო სოციალისტთა (SI) გენერალური მდივნობის კანდიდატ ბენედიქტთა ლასთან ერთად გახსნა. ამის შესახებ ინფორმაციას „ქართული ოცნების“ პრესსამსახური ავრცელებს.
პრეზიდიუმის ფარგლებში შეხვედრები გაიმართება საერთაშორისო სოციალისტთა (SI) მოქმედ თავმჯდომარე გეორგიოს პაპანდრეუსთან, ევროპარლამენტარებთან და ესპანეთის სოციალისტურ მუშათა პარტიის (PSOE) სხვადასხვა წარმომადგენელთან.
„საერთაშორისო გაერთიანების წევრები ორი დღის განმავლობაში სხვადასხვა რეგიონში არსებულ სიტუაციას განიხილავენ, მოისმენენ IUSY-ს პრეზიდენტის, გენერალური მდივნისა და საკონტროლო კომისიის ანგარიშებს. პრეზიდიუმი იმსჯელებს 2023 წლის სამოქმედო გეგმაზეც.
„ქართული ოცნების“ ახალგზრდული ორგანიზაცია IUSY-ს პრეზიდიუმზე პირველადაა მიწვეული, რაც პარტიის ახალგაზრდული ორგანიზაციის მიერ მშვიდობის კომიტეტის (PTN) შექმნას უკავშირდება.
მშვიდობის კომიტეტის პირველ პროექტს საქართველომ მიმდინარე წლის სექტემბერში უმასპინძლა, რომლის შემდეგაც კომიტეტის სამომავლო საქმიანობის გეგმა განისაზღვრა. აღსანიშნავია, რომ IUSY 100-ზე მეტი ქვეყნის 200-მდე ახალგაზრდულ პოლიტიკურ ორგანიზაციას აერთიანებს, რომელიც თავის მხრივ, საერთაშორისო სოციალისტთა წარმომადგენელი ორგანიზაციაა“,- ნათქვამია ინფორმაციაში.
v-if="article.gallery" v-html="article.gallery"
