ოზურგეთის საკრებულოს სხდომა ხმაურის ფონზე მიმდინარეობს. სიტყვიერი დაპირისპირება მოხდა „ნაციონალური მოძრაობისა“ და „ქართული ოცნების“ დეპუტატებს შორის. კერძოდ, ოპოზიციამ შეკითხვა დასვა, რომელიც მუნიციპალიტეტში არსებულ ინფრასტრუქტურულ პრობლემებსა და რაგბის სტადიონის კეთილმოწყობას ეხებოდა. „ერთიანი ნაციონალური მოძრაობის“ წევრების განცხადებით, 2017 წელს, არჩილ თალაკვაძე რაგბის სტადიონის მოწყობის პირობას დებდა და თანხების მობილიზებაც მოხდა, თუმცა რაგბის სტადიონი ამ დრომდე სავალალო მდგომარეობაშია.
სხდომაზე დასმულმა შეკითხვებმა მმართველი გუნდის წევრების გაღიზიანება გამოიწვია, რასაც სიტყვიერი დაპირისპირება მოჰყვა. ისმოდა ურთიერთბრალდებები.