„სტრატეგია აღმაშენებელი“ სახალხო დამცველის არჩევასთან დაკავშირებულ პროცესს უნდობლობას უცხადებს და აღნიშნულ საკითხზე პარლამენტში მიმდინარე პოლიტიკურ კონსულტაციებში არ მონაწილეობს.

როგორც დეპუტატმა პაატა მანჯგალაძემ განაცხადა, "სტრატეგია აღმაშენებელმა" სახალხო დამცველის პოსტზე ასარჩევად პარლამენტს არასამთავრობო ორგანიზაციების მიერ რეკომენდირებული სამი კანდიდატი წარუდგინა და ახლა ჯერი ხელისუფლებაზეა, თუ ვის დაუჭერს მათგან მხარს.

პაატა მანჯგალაძე დარწმუნებულია, რომ "ქართულ ოცნებას" სახალხო დამცველად დამოუკიდებელი კანდიდატის გაყვანა არ სურს და საკუთარი კანდიდატის გაყვანით არიან დაინტერესებული.