აჭარის მთავრობის თავმჯდომარემ შუახევში FIFA-ს სტანდარტების საფეხბურთო სტადიონი გახსნა. ამის შესახებ ინფორმაციას აჭარის მთავრობა ავრცელებს.

მათი ინფორმაციით, სტადიონი 500 მაყურებელზეა გათვლილი.

„მოეწყო ხელოვნური საფარი, აშენდა შენობა სპორტსმენებისა და ადმინისტრაციისთვის. შუახევის ახალი საფეხბურთო მოედნის მშენებლობისთვის 2 მილიონი ლარი დაიხარჯა.

დღესვე, შუახევში ტრადიციული სახალხო დღესასწაული „შუახევობა" აღინიშნა. მოეწყო ხელნაკეთი ნივთების გამოფენა-გაყიდვა. გაიმართა ფოლკლორული ანსამბლების კონცერტი. დაჯილდოვდნენ საპატიო შუახეველები.

ღონისძიებას აჭარის უმაღლესი საბჭოს დეპუტატები და მთავრობის წევრები ესწრებოდნენ“, - აღნიშნულია ინფორმაციაში.