საქართველოს უნივერსიტეტის ქართულ-ამერიკული კინოაკადემია აცხადებს კონკურსს „ვეფხისტყაოსანის“ ილუსტრაცია

საქართველოს უნივერსიტეტის ქართულ-ამერიკული კინოაკადემია კინოთეატრების ქსელ „კავეასთან“ ერთად აცხადებს კონკურსს „ვეფხისტყაოსანის“ ილუსტრაცია.

პროექტის მიზანია მოახდინოს პოემის „ვეფხისტყაოსანის“ კიდევ უფრო პოპულარიზაცია მოზარდებში და წაახალისოს ახალგაზრდა თაობის შემოქმედებითი უნარები.

თუ ხარ 12 დან 18 წლამდე, წაკითხული გაქვს „ვეფხისტყაოსანი“ ძირითადი, ან მისი ადაპტირებული ვერსია და შეგიძლია რომელიმე ეპიზოდის ილუსტრირება, მაშინ ეს შანსი არ უნდა გამოტოვო.

5 დეკემბრამდე გამოგვიგზავნე შენი ილუსტრაცია, რომელსაც შექმნი A3-ის ფორმატის ვერტიკალურ ფურცელზე ან ტილოზე. გადაუღე ფერადი, მაღალი ხარისხის ფოტოსურათი, მოჭერი სუფთად (crop) ისე რომ ფოტოზე სრულად ჩანდეს ნახატი, პირადობის დამადასტურებელ დოკუმენტთან ერთად ატვირთე შემდეგ ბმულზე https://ug.edu.ge/ge/gafa-registration-form

მიუთითე ნამუშევრის დასახელება და მოკლე აღწერილობა მაქს 100 სიტყვა, რაც მთავარია არ დაგავიწყდეს, რომ ფოტო იყოს jpg ფორმატში 150 რეზოლუციით.

აღნიშნული ნახატების ციფრული ვერსია გამოფენის გახსნის დღიდან, 7 დეკემბრიდან 14 დეკემბრის ჩათვლით იტრიალებს კინოთეატრ ამირანის ფოიეში განთავსებულ მონიტორებზე.

ჟიურის მიერ შერჩეული 20 ნამუშევარი კი გამოიფინება კინოთეატრ ამირანის ფოიეში და ავტორები მიწვეულ იქნებიან სრულმეტრაჟიანი ანიმაციური ფილმის „ვეფხისტყაოსანის“ პრემიერაზე კინოთეატრ "ამირანში", სადაც საშუალება ექნებათ შეხვდნენ ფილმის შემქმნელებს და იმ პერსონაჟების მსახიობებს, რომლებიც შესაძლებელია თავადაც ჰქონდეთ ასახული ილუსტრაციებში.

ჟიური

მირზა პაპუნა დავითაია - ფილმის ვეფხისტყაოსანიდამდგმელი მხატვარი და რეჟისორი

გია ბუღაძე - მხატვარი. თბილისის სამხატვრო აკადემიის ყოფილი რექტორი

ლევან ბერძენიშვილი - ფილოლოგი

კოკა თოფურია - საქართველოს უნივერსიტეტის რექტორი. მოყვარული მხატვარ ილუსტრატორი

ბუბა კუდავა - გამომცემელი, ისტორიკოსი

(R)

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)